S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

05/24/2019 - 23:16

మడకశిర, మే 24 : రాష్ట్రంలో జరిగిన సార్వత్రిక ఎన్నికల్లో కాంగ్రెస్ పార్టీ ఓటమికి తానే పూర్తి బాధ్యత తీసుకుంటున్నట్లు పీసీసీ అధ్యక్షులు ఎన్.రఘువీరారెడ్డి అన్నారు. శుక్రవారం అనంతపురం జిల్లా మడకశిర మండలం నీలకంఠాపురంలో ఆయన విలేఖరులతో మాట్లాడుతూ ఎన్నికల్లో కాంగ్రెస్ పార్టీ రాష్ట్రంలో ఎక్కడా గెలవకపోవడానికి గల కారణాలను తెలుసుకునేందుకు త్వరలోనే సమావేశం ఏర్పాటు చేయనున్నట్లు తెలిపారు.

05/24/2019 - 23:15

ఒంగోలు, మే 24: ఒంగోలు పార్లమెంట్ నియోజకవర్గం నుంచి మాగుంట శ్రీనివాసులరెడ్డి రికార్డు స్థాయి మెజారిటీ సాధించారు. తన రికార్డును తానే బద్దలుకొట్టారు. 2,14,851 ఓట్ల మెజారిటీని మాగుంట కైవసం చేసుకున్నారు. 2004లో జరిగిన పార్లమెంట్ ఎన్నికల్లో 1.04 లక్షల మెజారిటీతో మాగుంట గెలుపొందారు. 1977లో జరిగిన పార్లమెంట్ ఎన్నికల్లో ఒక అభ్యర్థి 1.70లక్షల ఓట్ల మెజారిటీ సాధించినట్లు సమాచారం.

05/24/2019 - 23:15

అమరావతి, మే 24: ముఖ్యమంత్రిగా ఈనెల 30వ తేదీన ప్రమాణస్వీకారం చేయనున్న వైఎస్ జగన్మోహన్‌రెడ్డికి శుక్రవారం తాడేపల్లిలోని ఆయన నివాసంలో తిరుమల తిరుపతి దేవస్థానం, విజయవాడ కనకదుర్గమ్మ ఆలయ వేదపండితులు శాస్త్రోక్తంగా ఆశీర్వచనాలు అందజేశారు. టీటీడీ ఈఒ అశోక్‌సింఘాల్, తిరుమల ఆలయ అర్చకులు డాలర్ శేషాద్రి తదితరులు జగన్‌కు స్వామివారి తీర్థ ప్రసాదాలను అందజేశారు.

05/24/2019 - 23:14

విజయవాడ, మే 24: ప్రస్తుత వేసవికాలంలో ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే సికింద్రాబాద్-్భవనేశ్వర్‌ల మధ్య 20 ప్రత్యేక రైళ్లను నడుపబోతున్నది. 02784 నెంబర్‌లో ప్రత్యేక రైలు ఈ నెల 29వ తేదీ జూన్ 1,5,8,12,15,19,22,26,29 తేదీల్లో మధ్యాహ్నం 12.30కు సికింద్రాబాద్‌లో బయలుదేరి మరుసటి రోజు ఉదయం 9.30కు భువనేశ్వర్ చేరుతుంది.

05/24/2019 - 23:14

రెంటచింతల, మే 24: గుంటూరు జిల్లా రెంటచింతలలో శుక్రవారం 45 డిగ్రీల అత్యధిక ఉష్ణోగ్రత నమోదైంది. దీంతో గ్రామస్థులు తీవ్ర ఇబ్బందులు ఎదుర్కొన్నారు. ఫ్యాన్ ఉన్నా, వాడలేని పరిస్ధితి ఏర్పడింది. వృద్ధులు ఎండ వేడిమికి అల్లాడారు.

05/24/2019 - 23:13

శ్రీకాకుళం, మే 24: దివంగత కేంద్ర మంత్రి కింజరాపు ఎర్రన్నాయుడు కుటుంబం నుంచి రాజకీయ వారసులుగా అడుగుపెట్టిన ప్రతిఒక్కరూ ప్రజల మన్ననలు పొందిన వారే. 2019 సార్వత్రిక ఎన్నికల్లో ఎర్రన్న కుటుంబంలో ముగ్గురు విజేతలుగా నిలిచారు.

05/24/2019 - 23:13

రాజమహేంద్రవరం, మే 24: వైవిధ్యమైన ఫలితాలకు ఆలవాలమైన తూర్పు గోదావరి జిల్లా ఈ సార్వత్రిక ఎన్నికల్లో సైతం విలక్షణ తీర్పునిచ్చింది. ఏ పార్టీకైనా ఎపుడైనా స్పష్టమైన మెజార్టీనే ఇస్తూవచ్చిన తూర్పు గోదావరి జిల్లాలో ఏ పార్టీ మెజార్టీ సీట్లు సాధిస్తే ఆ పార్టీ అధికారంలోకి వచ్చే అవకాశం ఉందనే ఆనవాయితీని మరోసారి రుజువైంది.

05/24/2019 - 23:07

శ్రీకాకుళం, మే 24: గత రెండేళ్లుగా ఏపీ రాజకీయాల్లో కీలకంగా మారిన ఇండియన్ పొలిటికల్ యాక్షన్ కమిటీ (ఐ-ప్యాక్) ప్రశాంత్ కిషోర్ టీం వైసీపీ ఘన విజయంలో కీలకపాత్ర పోషించింది. టీంలో కొందరు కీలక వ్యక్తులు ఐ-ప్యాక్‌ను నడిపిస్తూ పార్టీని విజయబావుటాలో ఎగురవేశారు. ప్రశాంత్ కిషోర్ టీం వైసీపీ తరఫున తమ ప్రచారాన్ని మే, 2017లో ప్రారంభించింది. 709 రోజుల తమ ప్రణాళికల్ని అమలు చేసి వ్యూహం ప్రదర్శించింది.

05/24/2019 - 23:06

విజయవాడ, మే 24: ఆంధ్రప్రదేశ్ నూతన ముఖ్యమంత్రిగా వైకాపా అధినేత జగన్‌మోహన్‌రెడ్డి ఈ నెల 30 ప్రమాణ స్వీకారం చేయనున్నారు. నవ్యాంధ్రకు రెండవ ముఖ్యమంత్రిగా పదవీ బాధ్యతలను స్వీకరించనున్నారు. జగన్‌తో పాటు ఎంతమంది మంత్రులుగా ప్రమాణ స్వీకారం చేస్తారో అన్న ఉత్కంఠకు ఆ పార్టీ సీనియర్ నేత, జగన్ రాజకీయ సలహాదారు సజ్జల రామకృష్ణారెడ్డి తెరదించారు. జగన్ ఒక్కరే ప్రమాణ స్వీకారం చేస్తారని సజ్జల ప్రకటించారు.

05/24/2019 - 23:05

నెల్లూరు, మే 24: సార్వత్రిక ఎన్నికల ప్రక్రియ పూర్తయింది. నెల్లూరు జిల్లాలో వైఎస్సార్సీపీ అఖండ విజయం సాధించింది. పది స్థానాల్లో విజయదుందుభి మోగించింది. ఇపుడు గెలుపొందిన ఎమ్మెల్యేల్లో మంత్రి పదవులు ఎవరికి దక్కుతాయనే చర్చ జిల్లాలో విస్తృతంగా సాగుతున్నాయి. అదే సమయంలో ఎమ్మెల్యేలు కూడా ఎవరి ప్రయత్నాల్లో వారు ఉన్నట్లు సమాచారం.

Pages