విజయవాడ, ఏప్రిల్ 15: కృష్ణా జిల్లాలో రెండోరోజైన ఆదివారం ఉదయం నుంచి ప్రారంభమైన వైకాపా అధ్యక్షుడు వైఎస్ జగన్మోహన్‌రెడ్డి ప్రజాసంకల్ప యాత్రకు అడుగడుగునా ప్రజలు బ్రహ్మరథం పట్టారు. ప్రధానంగా రాష్ట్ర జలవనరుల శాఖ మంత్రి దేవినేని ఉమామహేశ్వరరావు ప్రాతినిధ్యం వహిస్తున్న మైలవరం నియోజకవర్గంలో ప్రారంభమైన జగన్ యాత్రకు అడుగడుగునా ఎదురేగి ఘన స్వాగతం పలికారు.

విజయవాడ (కార్పొరేషన్), ఏప్రిల్ 15: అఖిల భారత కాంగ్రెస్ కమిటీ (ఏఐసీసీ) కార్యదర్శులుగా గిడుగు రుద్రరాజు, మాజీ ఎమ్మెల్యే మస్తాన్‌వలీ నియమితులయ్యారు. ఈమేరకు ఏఐసీసీ అధ్యక్షుడు రాహుల్ గాంధీ జారీ చేసిన ఆదేశాలను ఏఐసీసీ ప్రధాన కార్యదర్శి అశోక్ గెహ్లాట్ ఆదివారం విడుదల చేశారు. ఇప్పటికే పలువురు పీసీసీ నేతలకు ఏఐసీసీలో చోటు కల్పించిన అధిష్ఠానం తాజాగా మరో ఇద్దరికి పదవులు కేటాయించింది.

విజయవాడ (కార్పొరేషన్), ఏప్రిల్ 15: రాష్ట్రానికి ప్రత్యేక హోదా ఇవ్వకుండా 5 కోట్ల మంది ఆంధ్రులను నిట్టనిలువునా దగా చేసిన ప్రధాని నరేంద్ర మోదీ వైఖరికి నిరసనగా ప్రత్యేక హోదా, విభజన హామీల సాధన సమితి ఇచ్చిన పిలుపు మేరకు సోమవారం తలపెట్టిన రాష్ట్ర బంద్‌కు వివిధ ప్రజాసంఘాలు మద్దతు ప్రకటించాయి.

మార్కాపురం, ఏప్రిల్ 15: ప్రకాశం జిల్లా మార్కాపురం పట్టణంలో వేంచేసిన శ్రీ వాసవీ కన్యకాపరమేశ్వరిదేవి అలంకరణ కోసం పట్టణ ఆర్యవైశ్య సంఘం ఆధ్వర్యంలో సుమారు 6 కిలోల బరువుతో 2 కోట్ల రూపాయలతో బంగారు చీర తయారుచేయించారు. ఈనేపథ్యంలో ఆ బంగారు చీరను ఆదివారం అమ్మవారికి అలంకరించారు.