రాచర్ల, ఫిబ్రవరి 19: సాధారణ రైతు కుటుంబంలో జన్మించి గిద్దలూరు ఎమ్మెల్యే స్థాయికి ఎదిగిన పగడాల రామయ్య (72) సోమవారం తెల్లవారుజామున 2.30గంటల సమయంలో కన్నుమూశారు. రామయ్య మృతదేహానికి మండలంలోని చినగానిపల్లి గ్రామంలో భారీ అనుచర బంధుమిత్రుల మధ్య సోమవారం సాయంత్రం అంత్యక్రియలు జరిగాయి.

విజయవాడ, ఫిబ్రవరి 19: రాష్ట్రానికి ప్రత్యేక హోదా సాధించే విషయంలో కేంద్రంపై అవిశ్వాసానికి భావసారూప్య పార్టీలు ఎవరి మద్దతైనా తాము తీసుకోగలమని వైఎస్సార్ కాంగ్రెస్ పార్టీ సీనియర్ నేత, ఎమ్మెల్యే, మాజీ మంత్రి పెద్దిరెడ్డి రామచంద్రారెడ్డి ప్రకటించారు. అయితే కేంద్రంపై అవిశ్వాసం అనేది అనుభవజ్ఞుడైన చంద్రబాబు పెడితేనే బాగుంటుందని, రాష్ట్ర ప్రజలు కూడా అదే కోరుకుంటున్నారని అభిప్రాయపడ్డారు.

విజయవాడ, ఫిబ్రవరి 19: ఈశాన్య రుతుపవనాల సమయంలో రబీపై వర్షాభావ ప్రభావం పడిన నేపథ్యంలో 80 మండలాల్లో కరవు పరిస్థితులు నెలకొన్నట్లు రాష్ట్ర ప్రభుత్వం సోమవారం ప్రకటించింది. తీవ్ర కరవు నెలకొన్న మండలాలుగా 54, ఒక మోస్తరు కరవు 26 మండలాల్లో ఉన్నట్లు ప్రకటించింది. కరవు మండలాల ప్రకటనకు సంబంధించి వివిధ మార్గదర్శకాలను అనుసరించి వీటిని గుర్తించింది.

అమరావతి, ఫిబ్రవరి 19: రాష్ట్రానికి కేంద్రం ఇచ్చే నిధుల్లో మొండిచేయి చూపిస్తుండటంతో ముఖ్యమంత్రి చంద్రబాబునాయుడు తన స్వరాన్ని మరింత కఠినతరంగా మారుస్తున్నారు. ఎవరి దయాధర్మం అవసరం లేదంటూ పరోక్షంగా కేంద్రాన్ని ఉద్దేశించి వ్యాఖ్యానించారు. ‘విభజన చట్టంలో అంశాలు, అప్పటి ప్రధాని ఇచ్చిన హామీలు అమలు కాలేదు. మన రాష్ట్రానికి న్యాయం చేయాలని ఎంపీలు పార్లమెంటులో పోరాటం చేస్తున్నారు. ఈ స్ఫూర్తిని కొనసాగించాలి.