అమరావతి, జనవరి 22: దావోస్ వెళ్తూ కూడా ధాన్యం సేకరణపై ముఖ్యమంత్రి మార్గదర్శకాలు ఇచ్చారని, ప్రతి రైతుకు మద్దతు ధర లభించేలా చూడాలని ప్రభుత్వ ప్రధాన కార్యదర్శి దినేష్‌కుమార్ ఆదేశించారు. సోమవారం వ్యవసాయం, నీరు-మీరు పురోగతిపై వివిధ జిల్లాల కలెక్టర్లు, శాఖాధికారులతో టెలీ కాన్ఫరెన్స్ నిర్వహించారు. మొన్న జరిగిన మంత్రివర్గ సమావేశంలో ధాన్యం సేకరణపై చర్చ జరిగిన విషయం ప్రస్తావించారు.

న్యూఢిల్లీ, జనవరి 22: మైనింగ్ కేసులో లభించిన బెయిల్‌పై ఉన్న షరతులను సడలించాలని కోరుతూ గాలి జనార్దన్ రెడ్డి చేసుకున్న అభ్యర్థనను సుప్రీం కోర్టు తోసిపుచ్చింది. జనార్దన రెడ్డి దాఖలు చేసుకున్న పిటిషన్ జస్టిస్ ఏకే సిక్రీ, జస్టిస్ ఆశోక్‌భూషన్‌లతో కూడిన ధర్మాసనం ముందుకు విచారణకు వచ్చింది. బెయిల్ నిబంధనలను సడలించేందుకు ధర్మాసనం నిరాకరించింది.

మక్కువ, జనవరి 22: విజయనగరం జిల్లా మక్కువ మండలంలోని శంబర శ్రీ పోలమాంబ అమ్మవారి జాతరకు సంబంధించి సోమవారం తొలేళ్ల ఉత్సవం కన్నుల పండువగా జరిగింది. మంగళవారం నిర్వహించే సిరిమానోత్సవానికి ఆలయ అధికారులు ఏర్పాట్లు పూర్తి చేశారు. పార్వతీపురం ఆర్డీవో సుదర్శనదొర పర్యవేక్షణలో ఆదివారం రాత్రి అమ్మవారి ఘటాలను ఉరేగించాక సోమవారం రాత్రి తొలేళ్ల ఉత్సవాన్ని నిర్వహించారు.

విజయవాడ, జనవరి 22: చంద్రన్న సంక్రాంతి కానుకపై చౌకడిపో డీలర్ల సమాఖ్య చేసిన పోరాటాలు ఫలించాయి. గడచిన రెండేళ్లుగా రంజాన్ తోఫా, క్రిస్మస్, సంక్రాంతి కానుక కిట్‌లపై ఒక్కో కార్డుకు కేవలం ఐదు రూపాయలు మాత్రమే డీలర్లకు కమీషన్ లభించేది. అయితే ఆ కమీషన్ రవాణా ఖర్చులకే సరిపోవటం లేదంటూ డీలర్లు ఆందోళన చేస్తూ వచ్చారు. దీనిపై స్పందించిన ప్రభుత్వం కమీషన్ పెంచింది.