అమరావతి, జనవరి 9: సచివాలయంలో నోరూరించే వంటకాల విందు ఉద్యోగులను అలరింపచేసింది. పర్యాటక శాఖ ఈ పసందైన వంటకాలను అందించింది. పోషక విలువలు కలిగిన సాంప్రదాయ తెలుగు వంటకాల ప్రాచుర్యానికి ప్రతి ఒక్కరూ సహకరించాలని రాష్ట్ర పర్యాటక, సాంస్కృతిక శాఖ కార్యదర్శి ముఖేష్ కుమార్ మీనా వివరించారు.

హైదరాబాద్, జనవరి 8: తెలుగు దేశం పార్టీ వ్యవస్థాపక అధ్యక్షుడు, మాజీ ముఖ్యమంత్రి ఎన్టీఆర్ వర్ధంతి సందర్భంగా ఈ నెల 18న దేశ వ్యాప్తంగా లెజెండరీ రక్తదాన శిబిరాలు నిర్వహించేందుకు సన్నాహాలు చేస్తున్నట్లు ఎన్టీఆర్ ట్రస్టు ట్రస్టీ నారా భువనేశ్వరి తెలిపారు.

మంగళగిరి, జనవరి 8: అఖిల విశ్వగాయత్రి పరివార్ , శాంతికుంజ్ హరిద్వార్ ఆధ్వర్యాన గుంటూరుజిల్లా మంగళగిరి మండలం చినకాకానిలోని ఎన్నారై వైద్య కళాశాల ప్రాంగణంలో ఈనెల 5వ తేదీ నుంచి నిర్వహించిన అశ్వమేధ గాయత్రి మహాయజ్ఞం సోమవారం వైభవోపేతంగా ముగిసింది. దేశ విదేశాల నుంచి నాలుగు రోజుల్లో లక్షలాది మంది భక్తులు తరలి రావడంతో యజ్ఞం అంగరంగ వైభవంగా జరిగి సుసంపన్నమైంది. చివరి రోజున పూర్ణాహుతితో పరిసమాప్తమైంది.

కొవ్వూరు, జనవరి 8: పోలవరం ప్రాజెక్టు సత్వరం పూర్తిచేయాలనే డిమాండుతో కాంగ్రెస్ పార్టీ చేపట్టిన మహా పాదయాత్ర రెండో రోజైన సోమవారం పశ్చిమ గోదావరి జిల్లాలో కొనసాగింది. ఆదివారం తూర్పుగోదావరి జిల్లా ధవళేశ్వరంలో ప్రారంభమైన పాదయాత్రలో పాల్గొన్న నేతలు కొవ్వూరులో రాత్రి బసచేశారు. సోమవారం ఉదయం కొవ్వూరు నుండి బయలుదేరిన కాంగ్రెస్ నేతల పాదయాత్ర దొమ్మేరు, కాపవరం మీదుగా ధర్మవరం చేరింది.