అనంతపురం, అక్టోబర్ 16: అనంతపురం జిల్లా వైకాపాలో నివురుగప్పిన నిప్పులా ఉన్న విభేదాలు ఒక్కసారిగా భగ్గుమన్నాయి. సోమవారం నగరంలోని జిల్లా కార్యాలయంలో నిర్వహించిన జిల్లా కార్యకర్తల సమావేశంలో జిల్లా ఇన్‌చార్జి, రాజంపేట ఎంపి మిథున్‌రెడ్డి సమక్షంలో మాజీ ఎమ్మెల్యే, వైకాపా నేత బి.గుర్నాథరెడ్డి వర్గీయులు రెచ్చిపోయారు. దీంతో గుర్నాథరెడ్డి వ్యతిరేక వర్గం కూడా ఎదురు దాడికి దిగింది.

నూజివీడు, అక్టోబర్ 16: విచారణ పేరుతో అధ్యాపకుడిని పోలీసు స్టేషన్‌కు తీసుకువెళ్లి అవమానించారంటూ రాజీవ్‌గాంధీ వైజ్ఞానిక సాంకేతిక విశ్వవిద్యాలయం పరిధిలోని కృష్ణా జిల్లా నూజివీడు ట్రిపుల్ ఐటి, ఇక్కడే తరగతులు నిర్వహిస్తున్న శ్రీకాకుళం ట్రిపుల్ ఐటి అధ్యాపకులు సోమవారం రాత్రి మెరుపు ధర్నాకు దిగారు. నూజివీడు సర్కిల్ ఇనస్పెక్టర్ రామ్‌కుమార్‌ను సస్పెండ్ చేయాలని డిమాండ్ చేశారు.

విజయవాడ, అక్టోబర్ 16: కార్పొరేట్ జూనియర్ కళాశాలల్లో వరుసగా జరుగుతున్న విద్యార్థినీ, విద్యార్థుల ఆత్మహత్యలకు నిరసనగా విద్యార్థి సంఘాల పిలుపు మేరకు రాష్ట్రంలో జరిగిన కళాశాలల బంద్ విజయవంతమైంది. ఈ సందర్భంగా చైతన్య, నారాయణ విద్యాసంస్థల ఎదుట భారీ పోలీస్ బందోబస్తు ఏర్పాటు చేశారు.

గూడెంకొత్తవీధి, అక్టోబర్ 16: విశాఖ ఏజెన్సీ చింతపల్లి మండలం కోరుకొండ వద్ద పోలీసులకు ఇన్‌ఫార్మర్‌గా వ్యవహరిస్తున్నాడనే నెపంతో అన్నవరం గ్రామానికి చెందిన ఏజెన్సీ వ్యాపారి గొంప లోవ శ్రీనివాస్(35)ను మావోయిస్టులు తుపాకీతో కాల్చి హతమార్చారు. ఈసంఘటనకు సంబంధించి వివరాల్లోకి వెళితే. చింతపల్లి మండలం అన్నవరం గ్రామానికి చెందిన గొంప లోవ శ్రీను చికెన్ కొట్టు నడుపుకుంటూ జీవనం సాగిస్తున్నాడు.