హైదరాబాద్, సెప్టెంబర్ 14: మూడున్నరేళ్లయినా రాజధాని నిర్మాణానికి సంబంధించి ఇంకా డిజైన్లపై తుది నిర్ణయం తీసుకోలేని దౌర్భాగ్య పరిస్థితిలో చంద్రబాబు ప్రభుత్వం ఉందని వైకాపా అధికార ప్రతినిధి పార్థసారథి ధ్వజమెత్తారు. గురువారం ఇక్కడ విలేఖర్లతో ఆయన మాట్లాడుతూ, ఏపి ముఖ్యమంత్రి చంద్రబాబు తన వైఫల్యాలను కప్పిపుచ్చుకునేందుకు శంకు స్ధాపనలు, ప్రారంభోత్సవాలు, హారతులు, అంటూ ప్రజలను మభ్యపెడుతున్నారన్నారు.

విజయవాడ, సెప్టెంబర్ 13: ముఖ్యమంత్రి ఆరోగ్య కేంద్రాల ద్వారా అందించే వైద్య సేవల వివరాలను మరింతగా ప్రజల్లోకి తీసుకెళ్లడంతో పాటు, చికిత్స కోసం ఆయా కేంద్రాలకు ప్రజలు వచ్చేలా చర్యలు తీసుకోవాలని రాష్ట్ర వైద్య ఆరోగ్య శాఖ మంత్రి డా.కామినేని శ్రీనివాస్ ఆదేశించారు.

ప్రత్తిపాడు, సెప్టెంబర్ 12: ఇచ్చిన హామీలు అమలుచేయడానికి ముఖ్యమంత్రి చంద్రబాబుకు ఉన్న ఇబ్బందేమిటో తెలియజేయాలని, అమలుచేసే ఉద్దేశ్యం లేనప్పుడు అసలు హామీలు ఎందుకు ఇవ్వాలని మాజీ మంత్రి ముద్రగడ పద్మనాభం ప్రశ్నించారు. డిసెంబర్ 6వ తేదీ అంబేద్కర్ వర్థంతి రోజులోగా కాపులకు బిసి రిజర్వేషన్ అమలుచేయాలని, ప్రభుత్వ నిర్ణయాన్ని బట్టి భవిష్యత్తు కార్యాచరణ నిర్ణయించుకుంటామని స్పష్టం చేశారు.

రాజమహేంద్రవరం, సెప్టెంబర్ 12: సంఘ సంస్కరణల పురిటిగడ్డ రాజమహేంద్రవరానికి ప్రాచీన నగర హోదా సాధించేందుకు కసరత్తు జరుగుతోంది. ముఖ్యమంత్రి చంద్రబాబునాయుడు ఇటీవల రాజమహేంద్రవరం నగరంలో పర్యటించిన సందర్భంలో ఈ మేరకు ప్రకటించడంతో ఈ అంశం మళ్ళీ తెరపైకి వచ్చింది. కేంద్ర ప్రభుత్వం 2015లో ‘హృదయ్’ అనే పథకాన్ని ప్రవేశపెట్టింది.