ఒంగోలు, సెప్టెంబర్ 12: రాష్ట్రంలో ఖాళీగా ఉన్న డాక్టర్ పోస్టులను త్వరలో భర్తీచేస్తామని రాష్ట్ర వైద్య ఆరోగ్యశాఖమంత్రి కామినేని శ్రీనివాస్ వెల్లడించారు. మంగళవారం స్థానిక సిపివో చాంబర్‌లో వైద్యాధికారులతో సీజనల్ వ్యాధులపై మంత్రి సమీక్షా సమావేశాన్ని నిర్వహించారు. అనంతరం ఆయన విలేఖర్లతో మాట్లాడుతూ రాష్ట్రంలో పలు జిల్లాల్లో డెంగ్యూ జ్వరాలు ఎక్కువుగా నమోదవుతున్నాయన్నారు.

విశాఖపట్నం, సెప్టెంబర్ 12: ఇండియన్ నేవీ మిడ్ ఇయర్ రీఫిట్ రివ్యూ (ఎంవైఆర్‌ఆర్), మిడ్ ఇయర్ ఇన్‌ఫ్రాస్ట్రక్చర్ రివ్యూ (ఎంవైఐఆర్) విశాఖలోని తూర్పు నౌకాదళ ప్రధాన కార్యాలయంలో మంగళవారం జరిగింది. రెండు రోజులపాటు జరిగే ఈ సమీక్షా సమావేశాలు చీఫ్ ఆఫ్ నేవల్ మెటీరియల్స్ వైస్ అడ్మిరల్ జిఎస్ పబ్బీ అధ్యక్షతన జరగనున్నాయి. నేవీకి చేందిన యుద్ధ నౌకలు, సబ్‌మెరైన్‌ల రీ ఫిట్ గురించి ఇందులో చర్చించారు.

విజయవాడ, సెప్టెంబర్ 12: వైశ్యులపై కంచె ఐలయ్య రాసిన పుస్తకం రెండు తెలుగు రాష్ట్రాల్లో వివాదాస్పదంగా మారింది. వైశ్యులు పలు ప్రాంతాల్లో అందోళనకు దిగుతుండటంతో రాష్ట్ర ప్రభుత్వం ఈ పుస్తకంపై దృష్టి సారించింది. ముఖ్యమంత్రి చంద్రబాబు నాయుడు కూడా ఈ పుస్తకంపై సీరియస్ అయినట్లు సమాచారం. వెలగపూడి సచివాలయంలో డిజిపి సాంబశివరావు మంగళవారం ముఖ్యమంత్రితో భేటీ అయ్యారు.

పాడేరు, సెప్టెంబర్ 12: విశాఖ మన్యాన్ని కలుపుతూ జాతీయ రహదారి నిర్మించేందుకు కేంద్ర ప్రభుత్వం అనుమతి మంజూరు చేసిందని రోడ్లు భవనాల శాఖ మంత్రి చింతకాయల అయ్యన్నపాత్రుడు వెల్లడించారు. విశాఖ మన్యంలోని అనంతగిరి, అరకులోయ, డుంబ్రిగుడ, హుకుంపేట మండలాల్లో ఆయన మంగళవారం సుడిగాలి పర్యటన చేశారు. ఈ సందర్భంగా మన్యంలోని రహదారుల స్థితిగతులను పరిశీలించారు.