కడప, సెప్టెంబర్ 1: తెలుగుదేశం ప్రభుత్వం ఏ ఒక్కరికీ మేలుచేయదని, ఎన్నికల్లో ఇచ్చిన హామీలు హామీలుగానే మిగిలిపోయాయని వైకాపా అధినేత వైఎస్.జగన్మోహన్‌రెడ్డి అన్నారు. శుక్రవారం కడప జిల్లా ఇడుపులపాయ చేరుకున్న జగన్ పులివెందుల కార్యకర్తలతో మాట్లాడుతూ నంద్యాల ఉప ఎన్నిక, కాకినాడ కార్పొరేషన్ ఎన్నికల్లో అధికార దుర్వినియోగంతోనే టిడిపి గెలిచిందన్నారు. అంతేతప్ప ప్రజాతీర్పుకాదన్నారు.

విజయవాడ (క్రైం), సెప్టెంబర్ 1: రాష్ట్రంలో నలుగురు ఐపిఎస్ అధికారులను బదిలీ చేస్తూ ప్రభుత్వం ఉత్తర్వులు జారీ చేసింది. విశాఖపట్నం నార్త్ కోస్టల్ జోన్ ఐజిగా పని చేస్తున్న కుమార్ విశ్వజిత్‌ను ఆర్గనైజేషన్ అండ్ కో ఆర్డినేషన్ ఐజిగా బదిలీ చేశారు. కాగా పోస్టింగ్ కోసం ఎదురుచూస్తు వెయిటింగ్‌లో ఉన్న ఎన్ శ్రీ్ధరరావుకు పర్సనల్ ఐజిగా బాధ్యతలు అప్పగించారు.

బొమ్మనహాల్, సెప్టెంబర్ 1: తాగునీటి అవసరాల నిమిత్తం తుంగభద్ర జలాశయం నుంచి హెచ్చెల్సీకి విడుదల చేసిన నీరు శుక్రవారం అనంతపురం జిల్లా సరిహద్దుకు చేరుకుంది. రెండు రాష్ట్రాల సరిహద్దులోని 105వ కిలోమీటర్ వద్ద గంగకు హెచ్చెల్సీ అధికారులు పూజలు చేశారు. 500 క్యూసెక్కుల నీరు తుంగభద్ర నుంచి విడుదల కాగా జిల్లా సరిహద్దుకు 350 క్యూసెక్కులు చేరినట్లు తెలుస్తోంది.

మలికిపురం, సెప్టెంబర్ 1: ప్రధాని మోదీ ప్రపంచానికే వైబ్రేషన్స్ తీసుకువస్తుంటే స్మార్ట్ విలేజ్‌గా ఎంపికైన మోరి భారత దేశానికి వైబ్రేషన్స్ తెస్తోందని రాష్ట్ర పంచాయతీరాజ్, గ్రామీణాభివృద్ధి శాఖ కమిషనర్ బి రామాంజనేయులు అన్నారు. మోరి స్ఫూర్తిగా రాష్ట్రంలో మరో 425 గ్రామాలను స్మార్ట్ విలేజ్‌లుగా అభివృద్ధిచేయడానికి ముఖ్యమంత్రి ప్రణాళికాబద్ధంగా కృషిచేస్తున్నారన్నారు.