అమరావతి, ఆగస్టు 31: మూడున్నరేళ్ల క్రితం వరకూ క్షేత్రస్థాయికి తీసుకువెళ్లి, తర్వాత పెద్దగా ప్రచారానికి నోచుకోని దివంగత సిఎం వైఎస్ రాజశేఖర్‌రెడ్డిని మళ్లీ తెరపైకి తీసుకువచ్చేందుకు వైసీపీ కన్సల్టెంట్ ప్రశాంత్ కిశోర్ ప్రణాళిక రూపొందించినట్లు సమాచారం. ఆ ప్రకారంగా రాష్ట్రంలోని కోటి మందికి వైసీపీని నేరుగా చేర్చే ‘వైఎస్ కుటుంబం’ పేరుతో ప్రణాళికకు పదునుపెట్టినట్లు ‘పికె’ వర్గాలు తెలిపాయి.

విజయవాడ, ఆగస్టు 31: పశ్చిమ గోదావరి జిల్లా చాగల్లు షుగర్ ఫ్యాక్టరీ కార్మికులకు వారం రోజుల్లో రెండు నెలల వేతనాలు చెల్లించాలని యాజమాన్యాన్ని కార్మిక, ఉపాధి కల్పన శాఖ మంత్రి పితాని సత్యనారాయణ ఆదేశించారు. రాష్ట్ర కార్మిక, ఉపాధి కల్పనశాఖ మంత్రి పితాని సత్యనారాయణ వెలగపూడి సచివాలయంలోని కార్యాలయంలో చాగల్లు మండలంలో ఉన్న జైపూర్ షుగర్ ఫ్యాక్టరీ (చాగల్లు ఫ్యాక్టరీ) యాజమాన్యం, కార్మికులతో సమావేశమయ్యారు.

విజయవాడ, ఆగస్టు 31: రాష్ట్రంలోని నిరుపేద కిడ్నీ రోగులకు నెలకు 2500 రూపాయల పింఛనును సెప్టెంబర్ 1 నుంచి చెల్లించేందుకు రాష్ట్ర ప్రభుత్వం ఏర్పాట్లు చేసింది. ఈ రోగులు ఇతర పింఛన్లు పొందుతున్నప్పటికీ, ఈ సాయం కొనసాగనుంది. గత నెల 20న ఉత్తర్వులు జారీ అయినప్పటికీ, సెర్ప్ వివిధ ప్రభుత్వ శాఖల సమన్వయంతో పింఛను చెల్లింపునకు మార్గం సుగమం చేసింది. దీని వల్ల ప్రస్తుతం 1575 మంది రోగులు లబ్ధి పొందనున్నారు.

విజయవాడ, ఆగస్టు 31: దేశవ్యాప్తంగా కేంద్ర ప్రభుత్వం 2004 సెప్టెంబర్ నుంచి అమల్లోకి తెచ్చిన కంట్రిబ్యూటరీ పెన్షన్ విధానం (సిపిఎస్)కు వ్యతిరేకంగా రాష్ట్రంలో ఇంతకాలం కొనసాగుతూ వస్తున్న ఆందోళన తీవ్రస్థాయికి చేరుకుంది. దీనిలో భాగంగా సెప్టెంబర్ 1వ తేదీ విజయవాడలో ‘మిలీనియం మార్చ్’కు ఉపాధ్యాయ ఉద్యోగ కార్మికులు సన్నద్ధమవుతున్నారు.