విజయవాడ, జూలై 28: రాష్ట్రంలో క్రీడల అభివృద్ధికి ఏర్పాటు చేస్తున్న ఆరు స్పోర్ట్స్ అకాడమీలను ఆగస్ట్ 15న ప్రారంభించాలని అధికారులను ముఖ్యమంత్రి చంద్రబాబునాయుడు ఆదేశించారు. నిర్మాణంలో ఉన్న నాలుగు వాటర్ స్పోర్ట్స్ అకాడమీలను కూడా అదేరోజు ప్రారంభించాలని సూచించారు. గ్రామస్థాయి నుంచి క్రీడాకారులను తీర్చిదిద్దాలని, ఇందుకు స్పోర్ట్స్ అకాడమీలు దోహదపడాలని అభిలషించారు.

విజయవాడ, జూలై 28: బీహార్ సిఎంగా మరోసారి బాధ్యతలు చేపట్టిన నితీష్ కుమార్‌కు ముఖ్యమంత్రి చంద్రబాబు నాయుడు అభినందనలు తెలిపారు. బీహార్ ప్రజలకు సుపరిపాలన అందించేందుకు మళ్లీ అవకాశం దక్కిందంటూ ప్రశసించారు. బీహార్, ఆంధ్రప్రదేశ్ మధ్య పరస్పర సహకారం కొనసాగాలని అభిలషించారు. ఇద్దరు నేతలు ఐదు నిమిషాల సేపు ఫోన్‌లో సంభాషించుకున్నారు.

విజయవాడ, జూలై 28: ఆర్టీసీని కాపాడాల్సిన బాధ్యత రాష్ట్ర ప్రభుత్వానిదేనని ఏపిఎస్‌ఆర్‌టిసి ఎంప్లారుూస్ యూనియన్ రాష్ట్ర కమిటీ ఆధ్వర్యంలో యూనియన్ అధ్యక్షుడు వై.వెంకటేశ్వరరావు అధ్యక్షతన శుక్రవారం జరిగిన అఖిలపక్షం సదస్సులో పాల్గొన్న వివిధ కార్మిక సంఘాల, రాజకీయ పక్షాల నేతలు అభిప్రాయపడ్డారు. రాష్ట్ర విభజన నాటికి ఏపిఎస్‌ఆర్‌టిసి వాటాకు రూ.2700 కోట్ల అప్పులు, నష్టాలు ఉండేవన్నారు.

విజయవాడ, జూలై 28: విశాఖలో ఏర్పాటు చేయనున్న టియు-142 విమానాన్ని మ్యూజియంగా మార్చేందుకు వీలుగా మరో విడత నిధులను విడుదల చేస్తూ ప్రభుత్వం శుక్రవారం ఉత్తర్వులు జారీ చేసింది. విమానాన్ని వీలైనంత త్వరగా మ్యూజియంగా మార్చేందుకు 5 కోట్ల రూపాయలకు పాలనాపరమైన అనుమతి మంజూరు చేసింది.