పాడేరు, అరకులోయ, జూలై 28: అమరవీరుల సంస్మరణ వారోత్సవాల సందర్భంగా శుక్రవారం మావోయిస్టులు ఎఒబి సరిహద్దులో భారీ ర్యాలీ నిర్వహించారు. విశాఖ ఏజెన్సీలోని పాడేరు, అరకులోయ, చింతపల్లి, సీలేరు, ముంచంగిపుట్టు, డుంబ్రిగుడ మండలాలను ఆనుకుని ఉన్న ఆంధ్రా-ఒడిశా సరిహద్దులో మావోయిస్టుల వారోత్సవాలు అట్టహాసంగా ప్రారంభమయ్యాయి.

పలాస, జూలై 28: మైదాన ప్రాంతాల్లో గజరాజులు సంచరిస్తుండడంతో ప్రజలు భయాందోళనకు గురవుతున్నారు. రెండు రోజులుగా శ్రీకాకుళం జిల్లా పలాస మండలంలోని మైదాన ప్రాంతాల్లో సంచరిస్తూ పంట పొలాలను నాశనం చేయడంతోపాటు బీభత్సం సృష్టిస్తున్న గజరాజులపై ఇప్పటికీ అధికారులు చర్యలు తీసుకోవడం లేదు. జిల్లాలో గజరాజుల సంచారం సర్వసాధారణం కావడంతో అటవీశాఖాధికారులు కూడా వాటిపై దృష్టి సారించడం లేదని బాధితులు వాపోతున్నారు.

విజయవాడ, జూలై 27: ఒలింపిక్స్ పతక విజేత పివి సింధును డిప్యూటీ కలెక్టర్‌గా నియమిస్తూ సంబంధిత ఉత్తర్వులను ముఖ్యమంత్రి చంద్రబాబు నాయుడు గురువారం అందచేశారు. వెలగపూడి సచివాలయంలో సింధుకు ఉద్యోగ నియామక పత్రం అందచేసిన సందర్భంగా చంద్రబాబు మాట్లాడుతూ గ్రూప్-1 అధికారిగా నియమితురాలైన సింధు.. మరిన్ని అంతర్జాతీయ పోటీల్లో పాల్గొని పతకాలు సాధించాలని ఆకాంక్షించారు.

విజయవాడ, జూలై 27: రాష్ట్రంలో 12 బిసి రెసిడెన్షియల్ జూనియర్ కళాశాలలను ఏర్పాటు చేసేందుకు ప్రభుత్వం నిర్ణయించింది. ఈ మేరకు గురువారం ఉత్తర్వులు జారీ చేసింది. బాలుర కోసం ఆరు, బాలికల కోసం ఆరు ఏర్పాటు చేయనున్నారు.