విజయవాడ, జూలై 27: ‘చందన్న బీమా’ పథకం లబ్ధిదారులెవరైనా మరణిస్తే 14వ రోజు సంతాప కార్యక్రమం నిర్వహించి బీమా పరిహారం మొత్తాన్ని అందించాలని ముఖ్యమంత్రి చంద్రబాబునాయుడు చెప్పారు. గురువారం రాత్రి ముఖ్యమంత్రి వెలగపూడి సచివాలయంలోని తన కార్యాలయంలో మంత్రి పితాని సత్యనారాయణతో కలిసి కార్మికశాఖ అధికారులు, సెర్ప్ అధికారులు, బీమా సంస్థల ప్రతినిధులతో జరిపిన సమీక్షలో ఈ మేరకు నిర్ణయం తీసుకున్నారు.

విజయవాడ, జూలై 27: ముద్రగడ పద్మనాభం రెండో రోజైన గురువారం కూడా గృహ నిర్బంధంలో ఉన్నారంటూ ప్రసారమవుతున్న వార్తల్లో వాస్తవం లేదని రాష్ట్ర డిజిపి నండూరి సాంబశివరావు తెలిపారు. వ్యక్తిగత అవసరాల కోసం ఆయన ఎక్కడికైనా వెళ్లవచ్చన్నారు. అలాగే ఎవరైనా ఆయనను ఇంటికి వెళ్లి కలువచ్చన్నారు.

రాజమహేంద్రవరం, జూలై 27: మనుషులకు మాదిరే ఇక ఆవులకూ, పాడి పశువులకూ ఆధార్ నెంబర్లు తీసుకోవాల్సిందే.. పశు సంజీవని పేరుతో పశు సంవర్ధక శాఖలో ఒక వినూత్న పథకం మొదలైంది. ఈ పథకం తూర్పుగోదావరి జిల్లాలో ప్రయోగాత్మకంగా ఆరంభమైంది. ఈ నేపథ్యంలో ఆన్‌లైన్‌లో పాడి పశువుల బేరసారాలు చేసుకోవచ్చు. అంతర్జాలంలోనే సంతలు నిర్వహించుకుని, ఫొటోల ద్వారా కావాల్సిన పశువులను కొనుగోలు చేసుకోవచ్చు. అమ్మకాలు సాగించవచ్చు.

పలాస, జూలై 27: ఒడిశాలోని మహేంద్రగిరుల కొండల నుంచి దారి తప్పి మైదాన ప్రాంతమైన ఆంధ్రాలోకి ప్రవేశించిన గజరాజులు నెల రోజులవుతున్నా అటవీశాఖాధికారులు స్పందించడం లేదు. ఇప్పుడా గజరాజులు పంట పొలాలు, ప్రజల ఆస్తిని నష్టపరుస్తున్నాయి. ఏనుగుల సంచారంతో కంటిమీద కునుకు కరవైన ప్రజలను కాపాడాల్సిన అటవీశాఖాధికారులు తమకేమీ పట్టనట్టుగా వ్యవహరిస్తున్నారు.