విజయవాడ, జూలై 24: రాష్ట్రంలో 200 కేంద్రాల్లో అన్న క్యాంటీన్లను అక్టోబర్ 2 నుంచి ప్రారంభించనున్నట్లు ముఖ్యమంత్రి చంద్రబాబు నాయుడు ప్రకటించారు. వెలగపూడి సచివాలయంలో అన్న క్యాంటీన్ల ఏర్పాట్లపై సోమవారం అధికారులతో సమీక్షించారు. ఈ సందర్భంగా సిఎం మాట్లాడుతూ నంద్యాల పట్టణం సహా, 14 నగర పాలక సంస్థలు, 2 జిల్లా కేంద్రాల్లో తొలివిడతగా అన్న క్యాంటీన్లను ప్రారంభించేందుకు ఏర్పాట్లు చేస్తున్నట్లు తెలిపారు.

కాకినాడ సిటీ, జూలై 24: మావోయిస్టు దళంలో అత్యంత కీలక బాధ్యతలను నిర్వహిస్తున్న ఎసిఎం స్థాయి దళ కమాండర్ మాసను అరెస్టుచేసినట్టు జిల్లా ఎస్పీ విశాల్ గున్ని తెలిపారు. ఎటపాక సమీపంలో సోమవారం ఉదయం మాసను అరెస్టుచేశామన్నారు. జిల్లా ఎస్పీ విశాల్ గున్ని కాకినాడలోని తన కార్యాలయంలో సోమవారం సాయంత్రం ఏర్పాటుచేసిన విలేఖరుల సమావేశంలో వివరాలను తెలిపారు.

అమరావతి, జూలై 23: సమైక్య రాష్ట్రానికి చివరి ముఖ్యమంత్రిగా బాధ్యతలు నిర్వర్తించిన నల్లారి కిరణ్‌కుమార్ రెడ్డి తిరిగి క్రియాశీలక రాజకీయాల్లోకి అడుగు పెట్టనున్నారు. ఆయన తిరిగి సొంత గూటికి చేరే అవకాశాలున్నట్టు కిరణ్ సన్నిహిత వర్గాలు వెల్లడించాయి.

కర్నూలు, జూలై 23 : కర్నూలు జిల్లాలోని నంద్యాల అసెంబ్లీ స్థానానికి జరగనున్న ఉపఎన్నికలో విజయమే లక్ష్యంగా పార్టీ నాయకులంతా బాధ్యతగా పని చేయాలని టిడిపి అధినేత, ముఖ్యమంత్రి చంద్రబాబునాయుడు పార్టీ నేతలకు దిశా నిర్ధేశం చేశారు. సిఎం చంద్రబాబు శనివారం నంద్యాలలో పలు అభివృద్ధి కార్యక్రమాల్లో పాల్గొన్నారు. అనంతరం రాత్రి స్థానిక అతిథి గృహంలో బస చేసి పొద్దు పోయే వరకూ పార్టీ నేతలతో సంప్రదింపులు జరిపారు.