అమరావతి, జూలై 17: ఇకపై పర్యాటక శాఖ సమీకరించే బహుమతి ప్రతిమలు, జ్ఞాపికలను కేవలం లేపాక్షి సంస్థ నుండి మాత్రమే తీసుకోవాలని పర్యాటక, సాంస్కృతిక శాఖ కార్యదర్శి ముఖేష్ కుమార్ మీనా నిర్ణయించారు. సోమవారం ఎపిటిడిసి ఎండి హిమాన్షు శుక్లాతో కలిసి ప్రభుత్వ పరంగా అందించవలసిన జ్ఞాపికలు ఎలా ఉండాలన్న దానిపై మీనా చర్చించారు.

విజయవాడ, జూలై 17: విజయవాడ మెట్రో రైల్ ప్రాజెక్టుపై మరో కొద్ది రోజుల్లోనే తుది నిర్ణయం తీసుకోనున్నట్లు పురపాలక శాఖ మంత్రి పి.నారాయణ తెలిపారు. వెలగపూడి సచివాలయంలోని నాలుగో బ్లాక్ పబ్లిసిటీ సెల్‌లో నిర్వహించిన విలేఖరుల సమావేశంలో ఆయన మాట్లాడారు. అమెరికా పర్యటనలో భాగంగా సిఎం చంద్రబాబునాయుడు అక్కడ ఎలక్ట్రికల్ బస్సులను పరిశీలించి, అమరావతిలోనూ వాటి నిర్వహణ సాధ్యసాధ్యాలపై పరిశీలన చేయమన్నారన్నారు.

విజయవాడ, జూలై 17: నమ్మిన సిద్ధాంతం కోసం నిరంతరం పనిచేసే వ్యక్తి కేంద్రమంత్రి వెంకయ్యనాయుడు అని ముఖ్యమంత్రి చంద్రబాబునాయుడు కొనియాడారు. ఉప రాష్టప్రతిగా వెంకయ్యనాయుడి అభ్యర్థిత్వం ఖరారు చేయడాన్ని మనస్ఫూర్తిగా స్వాగతిస్తూ ఆయన అభినందనలు తెలిపారు. వెలగపూడి సచివాలయంలోని ఒకటో బ్లాక్‌లో సోమవారం నిర్వహించిన విలేఖరుల సమావేశంలో సిఎం మాట్లాడారు. విద్యార్థి దశ నుంచే పోరాట యోధుడిగా ఉన్నారన్నారు.

విజయవాడ, జూలై 17: రాష్ట్రంలో మాదక ద్రవ్యాల నిరోధానికి ప్రత్యేక టాస్క్ఫోర్సును ఏర్పాటు చేయనున్నట్లు రాష్ట్ర ఆబ్కారీ శాఖ మంత్రి జవహర్ వెల్లడించారు. వెలగపూడి సచివాలయంలో సోమవారం ఆయన మీడియాతో సోమవారం తెలంగాణలో ఇటీవల మాదక ద్రవ్యాలకు సంబంధించి వెలుగుచూస్తున్న ఘటనల నేపథ్యంలో రాష్ట్రంలో వీటి నిరోధంపై ప్రభుత్వం దృష్టి సారించిందన్నారు. ఈ మేరకు త్వరలో ఒక టాస్క్ఫోర్సును ఏర్పాటు చేయనున్నామన్నారు.