విజయవాడ, జూలై 15: రాష్ట్రంలో ఐటిఐ చదివిన లక్ష మందికి శిక్షణను అందించి ఉపాధి కల్పించాలన్నదే ప్రభుత్వ లక్ష్యమని కార్మిక, ఉపాధి, శిక్షణ శాఖ మంత్రి పితాని సత్యనారాయణ చెప్పారు. ప్రపంచ యువత నైపుణ్య దినోత్సవం సందర్భంగా స్థానిక ఎన్‌టిఆర్ యూనివర్సిటీ సమీపంలోని పరిణయ ఫంక్షన్ హాలులో కార్మిక ఉపాధి, శిక్షణ శాఖ ఆధ్వర్యంలో శనివారం నిర్వహించిన కార్యక్రమానికి మంత్రి పితాని సత్యనారాయణ ముఖ్య అతిధిగా హాజరయ్యారు.

నెల్లూరురూరల్, జూలై 15: సమాజాన్ని సక్రమమైన మార్గంలో నడిపించడానికి సహకరించవలసిన పోలీసులే అసాంఘిక కార్యక్రమాల్లో భాగస్వాములుగా నిలుస్తూ జైలుకు వెళ్తున్న పరిస్థితి నెల్లూరు జిల్లాలో ఎదురైంది. నెల్లూరు శివారు ఇరుకళలమ్మ సంఘం సమీపాన రాజీవ్ గృహ సముదాయంలో శుక్రవారం అర్ధరాత్రి పేకాట జోరుగా సాగుతోందని సమాచారం అందుకున్న రూర ల్ పోలీసులు పేకాట స్థావరంపై దాడిచేశారు.

కాకినాడ, జూలై 15: ఆంధ్రప్రదేశ్‌లో పరిశ్రమలు స్థాపించేందుకు దేశ, విదేశాలకు చెందిన ప్రముఖ పారిశ్రామికవేత్తలు ఆసక్తి చూపుతున్నారని ఉప ముఖ్యమంత్రి, హోం శాఖ మంత్రి నిమ్మకాయల చినరాజప్ప చెప్పారు. రాష్ట్రంలో సుమారు 14 లక్షల కోట్ల పెట్టుబడులతో రెండు దఫాలుగా పరిశ్రమలు స్థాపించేందుకు పారిశ్రామికవేత్తలు ముందుకు వచ్చారని పేర్కొన్నారు.

మచిలీపట్నం, జూలై 15: కృష్ణా జిల్లా బందరు సముద్ర తీరానికి దక్షిణాన 100 కిలోమీటర్ల దూరంలో చనిపోయిన ఓ భారీ తిమింగలం గిలకలదిండి మత్స్యకారుల వలకు చిక్కింది. సముద్రంలో వేటకు వెళ్లిన కొందరు గిలకలదిండి మత్స్యకారులు నెల్లూరు సరిహద్దుల్లో వేటాడుతుండగా మూడురోజుల క్రితం సముద్రంలో తేలుతున్న ఓ భారీ తిమింగలం కంటపడింది.