విజయవాడ, జూన్ 23: పర్యాటకానికి ప్రచారమే కీలకమని, ఈ విషయంలో సరైన చర్యలు తీసుకుంటేనే జాతీయ, అంతర్జాతీయ స్థాయిలో పర్యాటకులను ఆకర్షించగలుగుతామని రాష్ట్ర పర్యాటక, సాంస్కృతిక శాఖ కార్యదర్శి ముఖేష్‌కుమార్ మీనా స్పష్టం చేశారు. పర్యాటక రంగానికి ప్రచారం పెట్టుబడి వంటిదే తప్ప వ్యయంగా చూడరాదని వివరించారు.

రేణిగుంట, జూన్ 22: జాతీయ జెండా స్ఫూర్తితో దేశం అభివృద్ధికోసం అందరూ సంఘటితం కావాలని రాష్ట్ర ముఖ్యమంత్రి చంద్రబాబునాయుడు పిలుపునిచ్చారు. గురువారం మధ్యాహ్నం ప్రత్యేక విమానంలో రేణిగుంట విమానాశ్రయం చేరుకున్న ఆయన ఎయిర్‌పోర్ట్ అథారిటీ రూ.15 లక్షల నిధులు వెచ్చించి 100 అడుగుల ఎత్తు, 20న30 అడుగుల భారీ జాతీయ పతాకాన్ని రిమోట్ ద్వారా ఆవిష్కరించారు. అనంతరం పోలీసుల గౌరవ వందనాన్ని స్వీకరించారు.

విశాఖపట్నం, జూన్ 22: కాలేయం దెబ్బ తిన్న తన భర్తను కాపాడుకునేందుకు ఓ భార్య తన కాలేయంలో సగమిచ్చి, భర్తకు ప్రాణదానం చేసింది. 22 మంది డాక్టర్ల బృందం ఓ అరుదైన శస్త్ర చికిత్స నిర్వహించి వీరిద్దరూ మళ్లీ కలకాలం జీవించేలా చేసింది. విశాఖకు చెందిన తాటికొండ సుందరరావు కాలేయం పూర్తిగా దెబ్బతింది. ప్రాణాపాయం దగ్గర పడింది. తన భర్త ప్రాణాలు కాపాడుకునేందుకు ఎవరిని అర్థించాలో భార్య మాధురికి తెలియలేదు.

విజయవాడ, జూన్ 22: అగ్రిగోల్డ్ ఆస్తుల్ని తెలుగుదేశం నేతలు తక్కువ రేటుకు కొనుగోలు చేస్తున్నారంటూ ప్రతిపక్ష పార్టీల నేతలు ఆరోపణలు చేస్తున్నారని ఆంధ్రప్రదేశ్ ప్రణాళికా సంస్థ ఉపాధ్యక్షుడు సి కుటుంబరావు మండిపడ్డారు. వెలగపూడి సచివాలయంలోని పబ్లిసిటీ సెల్‌లో గురువారం ఆయన విలేఖరులతో మాట్లాడుతూ ప్రతిపక్ష నేతలకు దమ్ము, ధైర్యం ఉంటే, ప్రభుత్వంపై వారు చేస్తున్న ఆరోపణలను రుజువు చేయాలని సవాల్ విసిరారు.