అమరావతి, జూన్ 15: నంద్యాల ఉప ఎన్నికలో తెలుగుదేశం పార్టీ అభ్యర్ధిగా భూమా బ్రహ్మానందరెడ్డి పేరు దాదాపు ఖరారయింది. ఇప్పటివరకూ ఆయనకు పోటీగా ఉన్న మాజీ మంత్రి శిల్పా మోహన్‌రెడ్డి వైసీపీలోకి వెళ్లడం, మాజీ మంత్రి ఫరూఖ్, ఎంపి ఎస్పీవై రెడ్డి, ఆయన అల్లుడు సహా అందరూ బ్రహ్మానందరెడ్డికి మద్దతు ప్రకటించడంతో ఆయన అభ్యర్థిత్వం దాదాపు ఖరారయింది.

అమరావతి, జూన్ 15: కర్నూలు జిల్లాకు చెందిన మంత్రి అఖిలప్రియ వ్యవహారశైలిపై పార్టీ నాయకత్వం తీవ్ర అసంతృప్తితో ఉంది. ఆమె దూకుడు విధానం, అవగాహనా రాహిత్యం వల్లే నంద్యాల నియోజకవర్గంలో మునిసిపాలిటీ, మండలాలల్లో టిడిపి నేతలంతా శిల్పా మోహన్‌రెడ్డితో వెళ్లిపోయారన్న అసంతృప్తితో ఉన్న నాయకత్వం, ఇకపై ఆమె దూకుడుకు కళ్లెం వేయడం ద్వారా కొత్తగా ఎలాంటి నష్టం జరగకుండా చూడాలని నిర్ణయించింది.

తెనాలి, జూన్ 15: ఆంధ్రప్రదేశ్‌లో విజయవాడ, అమరావతి, గుంటూరు రైల్వేలైన్ ఏర్పాటుకు కేంద్ర ప్రభుత్వం రూ. 2680 కోట్లు కేటాయించినట్లు రైల్వేశాఖామంత్రి సురేష్‌ప్రభు తెలిపారు. గురువారం గుంటూరు జిల్లా తెనాలి పట్టణంలో ఏర్పాటుచేసిన ‘సబ్‌కాసాత్ - సబ్‌కా వికాస్’ (అందరితో కలిసి -అందరికీ అభివృద్ధి) కార్యక్రమానికి ఆయన ముఖ్య అతిథిగా ప్రసంగించారు.

కాకినాడ, జూన్ 15: గడచిన మూడేళ్ల ఎన్డీయే పాలనలో ప్రధాని నరేంద్ర మోదీ సాధించింది శూన్యమని, ప్రచారార్భాటాలకు మాత్రమే పరిమితమయ్యారని కేంద్ర మాజీ మంత్రి ఎంఎం పళ్ళంరాజు విమర్శించారు. పెద్దనోట్లను రద్దుచేసి సామాన్యుడిని పిడుగుపాటుకు గురిచేశారని, నోట్ల రద్దు అనంతరం ఏమేరకు నల్లధనాన్ని వెలికితీశారో నేటికీ బహిర్గతం చేయలేదన్నారు.