కావలి టౌన్, జూన్ 12: కేంద్ర ప్రభుత్వం అత్యంత ప్రతిష్టాత్మకంగా ప్రవేశపెడుతున్న ప్రజా పథకాల ద్వారా లబ్ధిపొందని వారు ప్రజాప్రతినిధులను నిలదీసి మరి అడిగి ఆ పథకాలను వినియోగించుకోవాలని కేంద్ర శాస్తస్రాంకేతిక శాఖామంత్రి సుజనా చౌదరి ప్రజలకు సూచించారు. నెల్లూరు జిల్లా కావలిలో సోమవారం జరిగిన సబ్‌కాసాత్, సబ్‌కా వికాస్ కార్యక్రమంలో ముఖ్యఅతిధిగా పాల్గొని ప్రసంగించారు.

అమరావతి, జూన్ 12: సత్వర నిర్ణయాలు తీసుకోవడంలో నాయకత్వం అనుసరిస్తోన్న అలసత్వ విధానం పార్టీ కొంపముంచుతోందన్న ఆందోళన టిడిపి శ్రేణుల్లో పెరుగుతోంది. ఎప్పటి నిర్ణయాలు అప్పుడు తీసుకోకుండా సమావేశాలు, రాయబారాల పేరుతో చేస్తున్న కాలయాపన, చేతులు కాలిన తర్వాత చర్యలకు దిగుతున్న తీరు బలమైన నాయకులు ఇతర పార్టీల్లో చేరేందుకు దోహదపడుతోందన్న విమర్శలు వినిపిస్తున్నాయి.

విజయవాడ, జూన్ 12: న్యూఢిల్లీలోని ఏపి భవన్‌లో ఆంధ్రప్రదేశ్ రాష్ట్ర ప్రభుత్వ సమాచార కేంద్రం ప్రత్యేకాధికారిగా కంచర్ల జయరావును నియమిస్తూ ప్రభుత్వం ఉత్తర్వులు జారీచేసింది. విజయవాడ రాష్ట్ర సమాచార కేంద్రం సహాయ సంచాలకులుగా పనిచేస్తున్న కంచర్ల జయరావుకు పదోన్నతి కల్పించి న్యూఢిల్లీ ఏపి భవన్ సమాచార కేంద్రం ప్రత్యేకాధికారిగా నియమిస్తూ ఉత్తర్వులు జారీ చేశారు.

అమరావతి, జూన్ 12: గవర్నర్ కోటాలో ఖాళీగా ఉన్న రెండు ఎమ్మెల్సీ స్థానాలను భర్తీ చేసేందుకు టిడిపి నాయకత్వం సిద్ధమవుతోంది. అందులో భాగంగా మాల వర్గానికి చెందిన జూపూడి ప్రభాకర్ (ప్రకాశం), బీసీ వర్గానికి చెందిన పంచుమర్తి అనూరాధ (కృష్ణా) పేర్లు దాదాపు ఖరారయినట్లు సమాచారం. ఆ మేరకు ముఖ్యమంత్రి చంద్రబాబునాయుడు వారిద్దరి పేర్లను ఖరారు చేసినట్లు పార్టీ వర్గాలు చెబుతున్నాయి.