విజయవాడ, జూన్ 11: ‘మద్యం విక్రయాలను ఆదాయ వనరుగా చూడటం లేదు!’.. ఇది తరచుగా ఆబ్కారీ శాఖ మంత్రి చేసే ప్రకటన. అక్రమ మద్యాన్ని నిరోధించేందుకు మాత్రమే మద్యం విక్రయాలపై దృష్టి పెట్టామంటూ సమర్ధించుకునే ప్రయత్నం చేస్తుంటారు. ప్రభుత్వానికి వేల కోట్ల రూపాయలు ఆదాయం లభిస్తున్నప్పటికీ మద్యం వల్ల కలిగే చెడు ఫలితాలపై ప్రచారం చేసేందుకు మొక్కుబడిగా నిధులు కేటాయించారు.

చిత్తూరు, జూన్ 11: ఆంధ్రప్రదేశ్‌లో మాదిగల మనుగడ ప్రశ్నార్థకంగా మారిందని ఎంఆర్‌పిఎస్ వ్యవస్థాపక అధ్యక్షుడు మంద కృష్ణమాదిగ ధ్వజమెత్తారు. వచ్చే నెల అమరావతిలో జరగనున్న మాదిగల కురుక్షేత్ర మహాసభకు సంబంధించి ఆదివారం చిత్తూరులో సన్నాహక సభ నిర్వహించారు. ఈ సందర్భంగా ఆయన మాట్లాడుతూ ముఖ్యమంత్రి నారా చంద్రబాబునాయుడు నమ్మక ద్రోహి అని, మాదిగల జీవితాలతో చెలగాటం ఆడుతున్నారని తీవ్రస్థాయిలో మండిపడ్డారు.

విజయనగరం, జూన్ 11: రాష్ట్రంలో ఇబ్బడిముబ్బడిగా ఇంజనీరింగ్ కళాశాలలు పుట్టుకురావడం, ఇంజనీరింగ్ పరీక్ష రాసిన విద్యార్థుల కంటే సీట్లు అధికంగా ఉండటం వల్ల ప్రతీ ఏటా వేలాది సీట్లు ఖాళీగా ఉండిపోతున్నాయి. ఈ పరిస్థితిలో మార్పు తీసుకువచ్చేందుకు అదనంగా ఉన్న సీట్లను స్వచ్ఛందంగా ఇచ్చేయాలని జెఎన్‌టియు(కె) కోరింది.

విశాఖపట్నం, జూన్ 11: వాయువ్య బంగాళాఖాతంలో ఏర్పడిన అల్పపీడనం కొనసాగుతూ రెండు రోజుల్లో బలమైన వాయుగుండంగా మారే అవకాశాలున్నాయని విశాఖపట్నం వాతావరణ హెచ్చరిక కేంద్రం ఆదివారం రాత్రి పేర్కొంది. దీని ప్రభావంతో రానున్న 24 గంటల్లో ఉత్తరకోస్తాలో చెదురుమదురు వర్షాలు కురుస్తాయని ఈ కేంద్రం తెలిపింది. దక్షిణకోస్తాలోను పలుచోట్ల వర్షాలు, బలమైన ఈదురుగాలులు వీస్తాయని తెలియజేసింది.