S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

02/22/2016 - 17:38

విజయవాడ: వైకాపా నుంచి కొంతమంది ఎమ్మెల్యేలు టిడిపిలో చేరతారన్న ప్రచారం ఊపందుకున్న నేపథ్యంలో ఎపి టిడిపి అధ్యక్షుడు కె.కళా వెంకట్రావు ఈరోజు ఇక్కడ పార్టీ అధినేత, సిఎం చంద్రబాబును కలిశారు. వైకాపా ఎమ్మెల్యేలను పార్టీలో చేరితే పరిణామాలెలా ఉంటాయన్న అంశంపై ఆయన చంద్రబాబుతో చర్చించారు.

02/22/2016 - 17:37

విజయనగరం: విజయనగరం జిల్లాలో సాయిరాం పబ్లిక్ స్కూల్ కరస్పాండెంట్ ఓ.రాజశేఖర్ పలువురి నుంచి 5 కోట్ల రూపాయల మేరకు అప్పుగా తీసుకుని పత్తాలేకుండా పోయాడు. నిందితుడి భార్య కూడా విద్యార్థుల తల్లిదండ్రుల నుంచి కొన్ని బంగారునగలు తీసుకుని ఉడాయించినట్లు సోమవారం పోలీసులకు ఫిర్యాదు అందింది.

02/22/2016 - 17:36

ఏలూరు: సినీనటుడు, రాజ్యసభ సభ్యుడు తాను దత్తత తీసుకున్న పీరుపాలెం గ్రామంలో సోమవారం పర్యటించి రెండు కమ్యూనిటీ హాళ్ల నిర్మాణాలకు శంకుస్థాపనలు చేశారు. పశ్చిమ గోదావరి జిల్లాలోని ఈ గ్రామాన్ని ఆయన ఇటీవల దత్తత తీసుకుని ఎంపి ల్యాడ్స్ నుంచి భారీగా నిధులు కేటాయించారు. శంకుస్థాపనల సందర్భంగా జరిగిన సభలో చిరంజీవి మాట్లాడారు.

02/22/2016 - 17:36

హైదరాబాద్: పది విశ్వవిద్యాలయాలకు పాలకమండళ్లను నియమిస్తూ ఎపి సర్కారు సోమవారం ఆదేశాలు జారీ చేసింది. తిరుపతిలోని మహిళా విశ్వవిద్యాలయం, అనంతపురంలోని జెఎన్‌టియుతో పాటు డాక్టర్ బిఆర్ అంబేద్కర్, నన్నయ, యోగి వేమన, శ్రీకృష్ణదేవరాయ, రాయలసీమ, కృష్ణా, సింహపురి, ఆచార్య నాగార్జున విశ్వవిద్యాలయాలకు కొత్తగా పాలకమండళ్లను నియమించారు.

02/22/2016 - 16:07

విజయవాడ: వైకాపా ఎమ్మెల్యేలు భూమా నాగిరెడ్డి, భూమా అఖిలప్రియ, జలీల్‌ఖాన్, ఆదినారాయణ రెడ్డి ఈ రోజు సాయంత్రం టిడిపి అధ్యక్షుడు, ఎంపి సిఎం చంద్రబాబును కలుస్తారన్న ఊహాగానాలు ఊపందుకున్నాయి. వైకాపాకు చెందిన కొంతమంది ఎమ్మెల్యేలను పార్టీలో చేర్చుకునేందుకు బాబు ఇప్పటికే ఓ నిర్ణయం తీసుకున్నారని తెలుస్తోంది.

02/22/2016 - 16:04

తిరుపతి: తిరుమల తిరుపతి దేవస్థానంలో విజిలెన్స్, సెక్యూరిటీ ముఖ్య అధికారి నాగేంద్ర కుమార్‌ను ఆకస్మికంగా బదిలీ చేశారు. వెంటనే హైదారాబాద్‌లోని డిజిపి కార్యాలయంలో రిపోర్టు చేయాల్సిందిగా ఆయనను ఆదేశించారు. ఆయన పనితీరుపై ఇటీవల ఆరోపణలు వచ్చిన నేపథ్యంలో ఈ చర్య తీసుకున్నారు.

02/22/2016 - 14:09

కర్నూలు: సమయం వచ్చినపుడు తాను అన్ని విషయాలూ బహిరంగ పరుస్తానని వైకాపా నేత భూమా నాగిరెడ్డి స్పష్టం చేశారు. ఆయన సోమవారం ఇక్కడ మీడియాతో మాట్లాడారు. టిడిపిలో చేరే విషయాన్ని ప్రస్తావించకపోయినా, తొందరలోనే అన్ని విషయాలూ చెబుతానని, మీడియాకు చెప్పకుండా తానేమీ చేయనన్నారు. అసెంబ్లీలో పిఎసి పదవికి రాజీనామా చేయలేదన్నారు.

02/22/2016 - 14:08

గుంటూరు: క్వారీ పేలుళ్ల కారణంగా తన ఇంటికి ప్రమాదం పొంచి ఉందని ఎన్నిసార్లు అధికారులకు మొరపెట్టుకున్నా ఫలితం లేకుండా పోయిందని గుంటూరు జిల్లా పరిషత్ కార్యాలయంలో ఓ మహిళ సోమవారం ఉదయం ఆత్మహత్యకు యత్నించింది. పురుగుల మందు తాగిన ఆమెను జడ్పీ ఉద్యోగులు వెంటనే ఆస్పత్రికి తరలించారు.

02/22/2016 - 14:07

దిల్లీ: వైకాపా అధ్యక్షుడు జగన్ ఈరోజు ఉదయం దిల్లీకి చేరుకున్నారు. సాధారణ బడ్జెట్, రైల్వే బడ్జెట్‌లో ఎపికి తగినన్ని నిధులు కేటాయించేలా కేంద్ర ప్రభుత్వానికి ఆయన వినతిపత్రాలు సమర్పించే అవకాశం ఉంది. ప్రధాని, రాష్టప్రతి, పలువురు కేంద్ర మంత్రులను కలుసుకునేందుకు ఆయన ఇప్పటికే అనుమతులు తీసుకున్నారు.

02/22/2016 - 14:07

అనంతపురం: పోలీసుల దెబ్బలకు తట్టుకోలేక ఓ నిండు ప్రాణం గాలిలో కలిసిపోయిందని ఆరోపిస్తూ మృతదేహంతో బంధువులు పోలీసు స్టేషన్ వద్ద ఆందోళన ప్రారంభించిన ఘటన అనంతపురం జిల్లా మడకశిరలో సోమవారం చోటుచేసుకుంది. పేకాడుతుండగా 9 మంది వ్యక్తులను పోలీసులు నిన్న అరెస్టు చేశారు. వారిలో లక్ష్మీనారాయణ అనే వ్యక్తి బెయిల్‌పై విడుదలై ఇంటికి చేరుకున్నాక ఆకస్మికంగా మరణించాడు.

Pages