అమరావతి, ఫిబ్రవరి 5: రాష్ట్రంలో ప్రతిపక్ష నేత పాత్రపై పోటీ మొదలయింది. ఇప్పటివరకూ ప్రధాన ప్రతిపక్ష నేతగా ఉన్న వైసీపీ అధినేత జగన్ తెలుగుదేశం ప్రభుత్వం, పార్టీపై ఒంటరి పోరాటం చేస్తున్న నేపథ్యంలో కొత్తగా జనసేన అధిపతి పవన్‌కల్యాణ్ తెరపైకి రావడంతో పాటు ప్రజల మధ్యకు వెళ్లేందుకు కార్యక్రమాలు రూపొందించుకోవడంతో ఇద్దరు నాయకుల మధ్య పోటీ పెరిగినట్టయింది.

ఒంగోలు/చీరాల, ఫిబ్రవరి 5: అనంతపురంలో తెలుగు తమ్ముళ్లు ఒక మహిళపై దాడి చేసిన సంఘటన మరువక ముందే ప్రకాశం జిల్లా చీరాల శాసనసభ్యుడు ఆమంచి కృష్ణమోహన్ సోదరుడు స్వాములు, మరికొంతమంది ఓ జర్నలిస్టుపై దాడికి తెగబడ్డారు. ఈ సంఘటన చీరాల గడియార స్తంభం వద్ద ఆదివారం పట్టపగలు జరిగింది. వేటపాలెంకు చెందిన నాగార్జునరెడ్డి పట్టణంలోని చీరాల గడియార స్తంభం కూడలిలో మోటార్‌సైకిల్‌పై వెళ్తుండగా అతడిని ఓ కారు ఢీకొంది.

విజయవాడ, ఫిబ్రవరి 5: దేశంలో ప్రస్తుతం అమల్లో ఉన్న ఆర్థిక సంవత్సరాన్ని మార్చే అంశంపై కేంద్ర ప్రభుత్వం మల్లగుల్లాలు పడుతోంది. ఏప్రిల్ 1 నుంచి మార్చి 31వ తేదీ వరకూ దేశంలో ఆర్థిక సంవత్సరంగా పాటిస్తున్నారు. అయితే దీన్ని జనవరి నుంచి డిసెంబర్ వరకూ ఉండేలా మార్పుచేయాలని నీతి ఆయోగ్ ప్రతిపాదన చేసింది. ఇది కార్యరూపం దాల్చాల్సి ఉంది.

చిత్తూరు, ఫిబ్రవరి 4: వరుస హత్యలకు పాల్పడుతూ భయోత్పాతం సృష్టిస్తున్న కరడుగట్టిన నేరగాడు మధుకర్‌రెడ్డి (32)ని చిత్తూరు జిల్లా పోలీసులు అరెస్ట్ చేశారు. తంబళ్ళపల్లి మండలం దిగువపల్లెకు చెందిన మధుకర్‌రెడ్డి నాలుగు హత్యకేసుల్లోనూ, పలు దోపిడీ కేసుల్లోనూ నిందితుడు. స్వగ్రామంలోనే ఒక హత్యకేసులో యావజ్జీవ కారాగార శిక్ష అనుభవిస్తూ, గతంలో పోలీసుల కన్నుగప్పి పారిపోయాడు.