తిరుపతి, జనవరి 29: తిరుమలలో ఏమైనా ప్రమాదాలు జరిగినప్పుడు తక్షణం స్పందించేందుకు, ప్రాణాపాయ స్థితిలో ఉన్న భక్తులను కాపాడేందుకు రాష్ట్రంలోనే తొలిసారిగా టిటిడికి ఒక రక్షణ దళాన్ని ఏర్పాటు చేస్తున్నట్లు తిరుపతి అర్బన్ జిల్లా ఎస్పీ జయలక్ష్మి తెలిపారు. ఆదివారం తిరుమలలో పోలీస్ మిత్ర అవగాహన సమావేశం స్థానిక పుష్పగిరి మఠంలో పోలీస్, రక్షణ విభాగం ఆధ్వర్యంలో నిర్వహించారు.

భీమవరం, జనవరి 29: పశ్చిమ గోదావరి జిల్లా భీమవరంలో నిర్వహిస్తున్న జాతీయ కార్టింగ్ ఛాంపియన్‌షిప్-2017 పోటీలు ఆదివారం ఫైనల్స్‌కు చేరుకున్నాయి. ఫైనల్స్‌లో కర్ణాటక, తమిళనాడు, పంజాబ్, ఆంధ్రప్రదేశ్, ఒడిషా, తెలంగాణ రాష్ట్రాల నుంచి వచ్చిన వివిధ విశ్వవిద్యాలయాల జట్లు పోటీ పడ్డాయి. నిర్ణీత కాలంలో వేగంగా కార్టింగ్‌ను నడపాలి. తక్కువ సమయంలో ట్రాక్‌ను పూర్తిచేసిన జట్టును విజేతగా ప్రకటిస్తారు.

సింహాచలం, జనవరి 28: కాలుష్యరహిత వనరుల వినియోగం పెరిగితే దేశం భవిష్యత్తులో అగ్ర రాజ్యంగా ఉంటుందని కేంద్ర మంత్రి, శ్రీ వరాహలక్ష్మీనృసింహస్వామి వారి దేవాలయం అనువంశిక ధర్మకర్త పూసపాటి అశోకగజపతిరాజు పేర్కొన్నారు. సింహాచలం దేవస్థానం సుమారు 5.75 కోట్ల వ్యయంతో ప్రతిష్టాత్మకంగా చేపడుతున్న సోలార్ విద్యుత్ ప్లాంట్‌ను ఆయన శనివారం పరిశీలించారు. ప్లాంట్‌ను పరిశీలించిన ఆయన సంతృప్తి వ్యక్తం చేశారు.

రాజమహేంద్రవరం, జనవరి 28: భారతీయ అంతరిక్ష పరిశోధన సంస్థ శాస్తవ్రేత్తలు తలపెట్టిన పిఎస్‌ఎల్వీసి 37 రాకెట్ ప్రయోగం ద్వారా 103 స్వదేశీ, విదేశీ ఉపగ్రహాలను అంతరిక్షంలోకి ప్రవేశపెట్టే ప్రయోగం విజయవంతం కావాలని ఆకాంక్షిస్తూ శనివారం తూర్పుగోదావరి జిల్లా రాజమహేంద్రవరం పుష్కరాలరేవువద్ద విద్యార్థులు రాకెట్ నమూనాలో నిలుచుని శుభాకాంక్షలు తెలియజేశారు.