S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

05/27/2016 - 17:35

తిరుపతి: ఏపీ ఐసెట్‌లో 87.71 శాతం మంది అర్హత సాధించినట్లు గంటా శ్రీనివాసరావు తెలిపారు. ఎంబీఏ, ఎంసీఏ కోర్సుల్లో ప్రవేశానికి నిర్వహించిన ఐసెట్‌-2016 పరీక్షా ఫలితాలను తిరుపతిలోని శ్రీవెంకటేశ్వర విశ్వవిద్యాలయంలో మంత్రి ప్రకటించారు.

05/27/2016 - 17:29

తిరుపతి : తెలుగుదేశం పార్టీ నికర ఆస్తులు రూ.52కోట్లుగా మహానాడులో శుక్రవారం ప్రకటించారు. పార్టీ కోశాధికారి, మంత్రి రాఘవరావు ఈ మేరకు పార్టీ జమాఖర్చుల వివరాలను ప్రకటించారు. 2015-16 ఆర్థిక సంవత్సరానికి సంబంధించి పార్టీకి సంబంధించిన ఆర్థిక లావాదేవీలను అన్నిటినీ ఆయన ప్రకటించారు. పార్టీ సభ్యత్వం, విరాళాల రూపంలో ఈ ఏడాది మార్చి నెలాఖరు వరకు వచ్చిన మొత్తం ఆదాయం రూ.15కోట్లు.

05/27/2016 - 15:56

విశాఖ: విశాఖ ఏజెన్సీలోని డుంబ్రిగుడ మండలం చాపరాయి వద్ద శుక్రవారం ఉదయం గెడ్డలో మునిగి ముగ్గురు చిన్నారులు మరణించారు. వేసవితాపం నుంచి ఉపశమనం పొందేందుకు వీరు గెడ్డలో దిగి ప్రాణాలు కోల్పోయారు.

05/27/2016 - 15:54

తిరుపతి: రాష్ట్ర విభజనను పురస్కరించుకుని వచ్చే నెల 2న నవనిర్మాణ దీక్షను చేపడతామని టిడిపి అధినేత, ఎపి సిఎం చంద్రబాబు ఇక్కడ జరుగుతున్న పార్టీ మహానాడులో తెలిపారు. 3 నుంచి 8వ తేదీ వరకూ రాష్ట్ర వ్యాప్తంగా జనచైతన్య కార్యక్రమాలు ఉంటాయన్నారు. చివరి రోజున 8వ తేదీన రాష్ట్ర పునర్నిర్మాణం కోసం మహాసంకల్పం నిర్వహిస్తామన్నారు.

05/27/2016 - 15:52

తిరుపతి: రాష్ట్రాన్ని అభివృద్ధి పథంలో నడిపేందుకు తాను ప్రయత్నిస్తుండగా కొందరు వివిధ రూపాల్లో అరాచకాలు సృష్టిస్తున్నారని సిఎం చంద్రబాబు పరోక్షంగా వైకాపాపై విమర్శల దాడి చేశారు. ఇక్కడ శుక్రవారం ప్రారంభమైన టిడిపి మహానాడులో ఆయన మాట్లాడుతూ, రాష్ట్రంలో ఎక్కడ అరాచకం జరిగినా అందులో వైఎస్ రాజశేఖర రెడ్డి కుటుంబ సభ్యుల పాత్ర ఉంటోందని అన్నారు.

05/27/2016 - 13:43

హైదరాబాద్: ఎపికి ప్రత్యేకహోదా హామీని నెరవేర్చడంలో బిజెపి నేతలు విఫలమయ్యారని ఆంధ్రప్రదేశ్ కాంగ్రెస్ కమిటీ అధ్యక్షుడు రఘువీరారెడ్డి శుక్రవారం ఆరోపించారు. ప్రత్యేకహోదాపై మాట మార్చిన కేంద్ర మంత్రి వెంకయ్యనాయుడు ఎపికి భారీగా నిధులు ఇస్తున్నట్లు చెప్పడంలో అర్థం లేదన్నారు. హోదా ఇవ్వడం వల్ల పెద్దగా ప్రయోజనం ఉండదని కూడా బిజెపి నేతలు అనడం దారుణమన్నారు.

05/27/2016 - 13:43

తిరుపతి: కార్యకర్తల కృషి, త్యాగాల వల్లనే ఎపిలో టిడిపి మళ్లీ అధికారంలోకి రాగలిగిందని ఆ పార్టీ అధినేత, సిఎం చంద్రబాబు శుక్రవారం ఇక్కడ ప్రారంభమైన మహానాడులో అన్నారు. పార్టీని, ప్రభుత్వాన్ని ముందుకు నడిపించడంలో కార్యకర్తలు దీక్ష వహించాలన్నారు. ప్రజల మనోభావాలకు అనుగుణంగా ప్రభుత్వం పనిచేసేలా కార్యకర్తలు సహకరించాలన్నారు. తాను కూడా పార్టీలో ఓ సామాన్య కార్యకర్తనేనని ఆయన అన్నారు.

05/27/2016 - 11:56

తిరుపతి: మూడు రోజులపాటు జరిగే తెలుగుదేశం పార్టీ మహానాడు ఉత్సవాలు శుక్రవారం తిరుపతిలో ఘనంగా ప్రారంభమయ్యాయి. టిడిపి అధ్యక్షుడు, ఎపి సిఎం చంద్రబాబు పార్టీ పతాకాన్ని ఎగురవేశారు. దివంగత నేత ఎన్టీఆర్ విగ్రహానికి పూలమాల వేసి నివాళులర్పించారు. త్రీడీ షో, ఫొటో ఎగ్జిబిషన్‌లను ఆయన ప్రారంభించారు. కళాకారుల సాంస్కృతిక ప్రదర్శనలు ఆహూతులను అలరించాయి.

05/27/2016 - 11:52

గుంటూరు: ఓ ఇంట్లో వంటగ్యాస్ సిలిండర్ పేలిపోయి మంటలు వ్యాపించడంతో చుట్టుపక్కల అయిదు పూరిళ్లు అగ్నికి ఆహుతయ్యాయి. దుగ్గిరాల మండలం పెరికలపూడిలో శుక్రవారం ఉదయం ఈ సంఘటన జరిగింది. ఇళ్లు దగ్ధం కావడంతో బాధితులు రోడ్డున పడ్డారు.

05/27/2016 - 11:51

కర్నూలు: మహానంది వద్ద తెలుగుగంగ కాలువ వద్ద ప్రేమజంట ఆత్మహత్యకు పాల్పడిన ఘటన శుక్రవారం ఉదయం వెలుగు చూసింది. అహోబిలానికి చెందిన అశోక్, రజిత కొన్నాళ్లుగా ప్రేమించుకుంటున్నారు. వీరు ఒంటిపై పెట్రోలు పోసుకుని నిప్పంటించుకుని ఆత్మహత్యకు పాల్పడినట్లు పోలీసులు చెబుతున్నారు.

Pages