విజయవాడ, నవంబర్ 23: ఆన్‌లైన్ లావాదేవీల్లో, మొబైల్ బ్యాంకింగ్‌లో విద్యార్థులకు వర్కుషాపులు నిర్వహించాలని, ఆ తరువాత వారు ప్రజలకు శిక్షణ ఇచ్చేలా చర్యలు తీసుకోవాలని విద్యా శాఖ అధికారులను ఏపి సిఎం ముఖ్యమంత్రి చంద్రబాబునాయుడు ఆదేశించారు. గురు, శుక్రవారాల్లో విద్యార్థుల వర్కుషాపుల నిర్వహణ పూర్తి చేసి, శనివారం నుంచి క్షేత్ర స్థాయిలో ప్రజలకు మొబైల్ బ్యాంకింగ్‌లో శిక్షణ ఇచ్చేలా చూడాలని ఆదేశించారు.

గుంటూరు, నవంబర్ 23: భవిష్యత్తులో ఆంధ్రప్రదేశ్ రాజధాని అమరావతిని విశ్వక్రీడలు, ఒలింపిక్స్‌కు వేదికగా అంతర్జాతీయ ప్రమాణాలతో క్రీడా ప్రాంగణాల నిర్మాణాన్ని చేపడతామని ముఖ్యమంత్రి చంద్రబాబు వెల్లడించారు. బార్సిలోనా నగర డెప్యూటీ మేయర్ ఆంథోని సిఎం చంద్రబాబును కలిసి ఇందుకు అవసరమైన వౌలిక సదుపాయాలపై పవర్‌పాయింట్ ప్రజంటేషన్ చేశారు.

రాజమహేంద్రవరం, నవంబర్ 23: పెద్ద నోట్ల రద్దు నిర్ణయం మంచిదేనని, అయితే దాన్ని అమలు చేసే విధానమే సక్రమంగా లేక ప్రజలు నానా అవస్థలు పడుతున్నారని వైఎస్‌ఆర్‌సిపి అధినేత జగన్మోహన్‌రెడ్డి వ్యాఖ్యానించారు. ఎంతమంచి నిర్ణయమైనా.. అమలు చేయటంలో లోపముంటే విఫలమవుతుందని, ఇందుకు చరిత్రలో ఎన్నో ఉదాహరణలు ఉన్నాయన్నారు.

అమరావతి, నవంబర్ 23: రాష్ట్రంలోని అన్ని జిల్లాల్లో మద్యం అమ్మకాల్లో జరుగుతున్న భారీ దోపిడీ, అవినీతిపై బిజెపి దృష్టి సారించినట్లు కనిపిస్తోంది. అందులో భాగంగా ఎక్సైజ్ శాఖలో జరుగుతున్న అవినీతిపై గత కొంతకాలంగా అధ్యయనం చేస్తున్న బిజెపి శాసనమండలి సభ్యుడు, ఆ పార్టీ జాతీయ కార్యవర్గసభ్యుడయిన సోము వీర్రాజు మద్యం అమ్మకాల్లో వేల కోట్ల రూపాయల అవినీతి జరుగుతోందంటూ ముఖ్యమంత్రి చంద్రబాబుకు లేఖ రాశారు.