కాకినాడ, నవంబర్ 22: దివీస్ మందుల కంపెనీని ప్రజా నిరసనల మధ్య బలవంతంగా నిర్మించిన పక్షంలో తాను అధికారంలోకి వచ్చిన తరువాత ఫ్యాక్టరీని తొలగిస్తానని వైఎస్‌ఆర్ కాంగ్రెస్ అధినేత వైఎస్ జగన్మోహన్‌రెడ్డి ప్రజలకు భరోసా ఇచ్చారు. దివీస్ యాజమాన్యం తక్షణం నిర్మాణ పనులు మానుకుని వేరేచోటకు తరలిపోవాలని, లేని పక్షంలో బాధితుల పక్షాన నిలబడి, పోరాటాన్ని ఉద్ధృతం చేస్తామని హెచ్చరించారు.

విశాఖపట్నం, నవంబర్ 22: పెద్ద నోట్లను రద్దు చేసిన కేంద్ర ప్రభుత్వం కల్పించిన కొన్ని వెసులుబాట్లు అమలుకు నోచుకోవట్లేదు. ఎంత మొత్తాన్నైనా వ్యక్తిగత ఖాతాల్లో జమ చేసుకోవడంతో పాటు, అవసరమైన డిడి, చలానాలు ఇవ్వాల్సిన బ్యాంకులు ససేమిరా అనడంతో కొన్ని ప్రభుత్వ శాఖల ఆదాయానికి భారీగా గండి పడుతోంది. ముఖ్యంగా పెద్ద నోట్ల రద్దు ప్రభావం స్టాంప్స్ అండ్ రిజిస్ట్రేషన్‌పై ఒత్తిడి పెంచుతోంది.

పుట్టపర్తి,నవంబర్ 22: అభివృద్ది చెందిన దేశాల జాబితాలో భారత్ చేరబోతోందని కేంద్ర ప్రభుత్వ సాంకేతిక సలహాదారు ఆర్.చిదంబరం పేర్కొన్నారు. అనంతపురం జిల్లా పుట్టపర్తిలో జరుగుతున్న సత్యసాయిబాబా జయంతి ఉత్సవాల్లో భాగంగా మంగళవారం జరిగిన సత్యసాయి డీమ్డ్ యూనివర్శిటీ 35వ స్నాతకోత్సవ వేడుకల్లో ముఖ్యఅతిథిగా పాల్గొన్న ఆయన మాట్లాడుతూ భారతదేశం అత్యంత వేగవంతంగా అభివృద్ధి చెందుతోందన్నారు.

విజయవాడ (క్రైం), నవంబర్ 21: విజయవాడ కేంద్రంగా పశ్చిమ గోదావరి, గుంటూరు ప్రాంతాలకు చెందిన కొందరు వ్యక్తులు ముఠాలుగా ఏర్పడి రద్దయిన పాత నోట్లను మారుస్తూ పట్టుబడ్డారు. 17 మందిని అరెస్టు చేసిన విజయవాడ పోలీసులు నిందితుల నుంచి 6 లక్షల 80వేల నగదు స్వాధీనం చేసుకున్నారు. వీటిలో కొంత నగదు కొత్తగా కేంద్ర ప్రభుత్వం విడుదల చేసిన రెండు వేల రూపాయలు నోట్లు కాగా, ఎక్కువ శాతం వంద నోట్లు ఉన్నాయి.