గుంటూరు, అక్టోబర్ 5: వరద బాధితులను ఆదుకోవటంలో ప్రభుత్వం పూర్తిగా వైఫల్యం చెందిందని వైసిపి సీనియర్ నేత బొత్స సత్యనారాయణ ధ్వజ మెత్తారు. బాధిత రైతులకు ఇన్‌పుట్ సబ్సిడీని ప్రకటించి ముఖ్యమంత్రి, మంత్రులు చేతులు దులుపుకుంటున్నారని, రైతులకు ఏ మాత్రం అందలేదన్నారు.

రాజమహేంద్రవరం, అక్టోబర్ 5: రాష్ట్ర రోడ్లు, భవనాల శాఖ (ఆర్ అండ్ బి)లో అక్రమ పదోన్నతులు ఆ శాఖను కుదిపేస్తున్నాయి. సీనియర్లను కాదని జూనియర్లకు పదోన్నతులు కల్పించడం కలకలం రేపుతోంది. జోన్లవారీగా సీనియారిటీ ఆధారంగా పదోన్నతులు కల్పించాలని సుప్రీం కోర్టు ఉత్తర్వులు ఇచ్చినా ఆ ఆదేశాలను తుంగలోతొక్కి, యథేచ్ఛగా అక్రమ పదోన్నతులు కల్పించారని ఆ శాఖ ఉద్యోగులు వాపోతున్నారు.

శ్రీశైలం, అక్టోబర్ 5: శ్రీశైలం శరన్నవరాత్రోత్సవాలు వైభవంగా జరుగుతున్నాయి. ఉత్సవాల్లో భాగంగా బుధవారం అమ్మవారు స్కందమాతగా భక్తులకు దర్శనమిచ్చారు. స్వామి, అమ్మవార్లకు శేషవాహన సేవ నిర్వహించారు. ఉదయం అమ్మవారికి శ్రీచక్రనవవర్ణ పూజలు, స్వామివారికి మహాన్యాస పూర్వక ఏకాదశ రుద్రాభిషేకం, రుద్రహోమం, రుద్రయాగం, జపాలు, పారాయణాలు శాస్త్రోక్తంగా నిర్వహించారు.

విజయవాడ, అక్టోబర్ 5: ఇంద్రకీలాద్రిపై అంగరంగ వైభవంగా జరుగుతున్న శ్రీ దుర్ముఖి నామ సంవత్సర దసరా మహోత్సవాల్లో ఐదో రోజైన ఆశ్వయుజ శుద్ధ చవితి బుధవారం దుర్గమ్మ శ్రీ కాత్యాయని దేవిగా భక్తకోటికి దర్శమిచ్చింది. పురాణ కాలంలో మహిషాసురుడుని అంతమొందించేందుకు ముక్కోటి దేవతలు , త్రిమూర్తుల తేజస్సుల అంశతో కాత్యాయనీ దేవిగా శక్తిని ప్రసాదించి లోక కల్యాణం కావించారు.