విజయనగరం: ఆర్‌డబ్ల్యూఎస్‌లో ఎగ్జిక్యూటివ్‌ ఇంజినీర్‌గా పనిచేస్తున్న చింత విద్యాసాగర్రావు ఆదాయానికి మించి ఆస్తులు కలిగి ఉన్నారని, ఏసీబీ అధికారులు బుధవారం ఆయన ఇంట్లో, శ్రీకాకుళం, విశాఖపట్నం జిల్లాల్లో ఉన్న అతని బంధువుల ఇళ్లల్లో కూడా ఏకకాలంలో తనిఖీలు చేపట్టారు. ప్రస్తుతానికి కోటి డైభ్బై ఐదు లక్షల అక్రమాస్తులను గుర్తించడం జరిగిందని, తెలిపారు.

విజయవాడ: మాజీ మంత్రి దేవినేని నెహ్రూ గురువారం నాడు అధికారికంగా తెలుగుదేశం పార్టీలో చేరుతున్నారు. ఆయన కుమారుడు దేవినేని అవినాష్, ముఖ్య అనుచరులు కూడా టిడిపి తీర్థం పుచ్చుకుంటున్నారు. గురువారం సాయంత్రం భారీ ర్యాలీ అనంతరం గుణదలలో జరిగే సభలో టిడిపి అధినేత, సిఎం చంద్రబాబు పార్టీ కండువాలు కప్పి దేవినేని నెహ్రూ తదితరులను టిడిపిలోకి ఆహ్వానిస్తారు.

హైదరాబాద్‌: స్విస్‌ ఛాలెంజ్‌ విధానంలో టెండర్ల ప్రక్రియపై పిటిషన్‌ను గురువారం విచారణ చేపడతామని హైకోర్టు ధర్మాసనం తెలిపింది. ఏపీ రాజధాని అమరావతిలో ప్రధాన అభివృద్ధి దారుని ఎంపిక చేసేందుకు ఉమ్మడి హైకోర్టు ఏకసభ్య ధర్మాసనం నిలుపుదల చేయడాన్ని సవాల్‌ చేస్తూ ఏపీ అడ్వొకెట్‌ జనరల్‌ బుధవారం డివిజన్‌ బెంచ్‌లో పిటిషన్‌ దాఖలు చేశారు. హైకోర్టులో అప్పీల్‌కు అనుతివ్వాలని ఏజీ కోరారు.

విజయవాడ : స్విస్‌ఛాలెంజ్‌ విధానంలో టెండర్ల ప్రక్రియపై ఉమ్మడి హైకోర్టు ఏకసభ్య ధర్మాసనం నిలుపుదల(స్టే) చేయడాన్ని సవాల్‌ చేస్తూ రాష్ట్ర ప్రభుత్వం అప్పీలుకి వెళ్లనుంది. ఉమ్మడి హైకోర్టు డివిజన్‌ బెంచ్‌లో బుధవారం పిటిషన్‌ వేయనుంది. హైకోర్టు స్టే ఉత్తర్వుల నేపథ్యంలో స్విస్‌ఛాలెంజ్‌ ప్రక్రియను సీఆర్‌డీఏ ప్రస్తుతానికి పక్కన పెట్టింది.