పోలవరం: ప్రత్యేక హోదా వస్తే ఏ ప్రయోజనాలు సమకూరుతాయో అంతే సమానమైన ప్రయోజనాలు ఇస్తామని ప్రధాని హామీ ఇచ్చినట్లు, ప్రత్యేక ప్యాకేజీ కింద ఐదేళ్ల పాటు నిధులు ఇస్తామని చెప్పారని ముఖ్యమంత్రి చంద్రబాబునాయుడు తెలిపారు. ముఖ్యమంత్రి మంగళవారం పోలవరం ప్రాజెక్టు నిర్మాణ పనులను ఆయన పరిశీలించారు.

ఏలూరు: ఎపి ముఖ్యమంత్రి చంద్రబాబు నాయుడు మంగళవారం ఉదయం పశ్చిమ గోదావరి జిల్లా పోలవరం గ్రామానికి చేరుకున్నారు. పోలవరం సాగునీటి ప్రాజెక్టు పనులను హెలికాప్టర్ ద్వారా ఆయన పరిశీలించారు. ఈ ప్రాజెక్టుకు పూర్తి స్థాయిలో నిధులిస్తామని ఇటీవల కేంద్రం ప్రకటించిన నేపథ్యంలో సిఎం పోలవరం వచ్చారు. ప్రాజెక్టు పనుల్లో వినియోగించేందుకు తెప్పించిన ఆధునిక యంత్రాలను ఆయన ప్రారంభించారు.

తిరుపతి: కేంద్ర మంత్రి అశోక్‌గజపతిరాజు కనిపించడం లేదంటూ తిరుపతి ఈస్ట్‌ పోలీస్‌ స్టేషన్‌లో వామపక్షాల నాయకులు మంగళవారం ఫిర్యాదు చేశారు. ప్రత్యేక హోదా విషయంలో ఏపీకి చెందిన కేంద్ర మంత్రులపై విపక్షాలు మండిపడుతున్న విషయం తెలిసిందే. కేంద్ర మంత్రి అశోక్‌గజపతిరాజుపై వామపక్ష నేతలు వినూత్న రీతిలో నిరసన తెలియజేశారు.

విశాఖ: తెలుగు రాష్ట్రాల్లో పలు చోట్ల ఓ మోస్తరు వర్షాలు, ఒకట్రెండు చోట్ల భారీ వర్షాలు పడే అవకాశం ఉందని విశాఖలోని వాతావరణ శాఖ ప్రకటించింది. దక్షిణ ఒడిశా, ఉత్తర కోస్తాను ఆనుకుని పశ్చిమ మధ్య బంగాళాఖాతంలో మంగళవారం అల్పపీడనం ఏర్పడింది. తీరం వెంబడి గంటకు 45 నుంచి 50 కి.మీ వేగంతో గాలులు వీస్తాయని తెలిపింది.