కడప, సెప్టెంబర్ 1: ప్రతిపక్షనేత వైఎస్ జగన్మోహన్‌రెడ్డి ఉన్మాదిగా మారారని ముఖ్యమంత్రి చంద్రబాబునాయుడు ఆరోపించారు. ప్రాంతాలు, కులాలు, మతాల వారీగా ప్రజలను రెచ్చగొట్టి రాజకీయ ప్రయోజనం పొందాలని చూస్తున్నారన్నారు. జగన్ ఎత్తులను ప్రజలు గమనిస్తున్నారని, చూస్తూ ఊరుకోరని అన్నారు. కడప జిల్లా రాయచోటి మండలం యండపల్లె కంచరపల్లె బహిరంగసభలో మాట్లడుతూ జగన్‌పై విరుచుకుపడ్డారు.

విజయవాడ (క్రైం), సెప్టెంబర్ 1: పాత ప్రభుత్వాస్పత్రి మరోసారి తెరమీదకు వచ్చింది. కాన్పుల వార్డులో జన్మించిన ఓ బిడ్డ గతంలో మాయమైన సంఘటన మరవకమునుపే మరో వివాదం ఆస్పత్రిని చుట్టుముట్టింది. మృత శిశువుకు జన్మనిచ్చిన తల్లిదండ్రులు ఆస్పత్రి వైద్యులపై ఆందోళనకు దిగారు. తమ బిడ్డను తారుమారు చేశారంటూ సిబ్బందిపై చిందులు తొక్కారు. బిడ్డను మార్చేసి చనిపోయిన మగ శిశువును అప్పగించారని ఆవేదన వ్యక్తం చేశారు.

విజయవాడ (ఇంద్రకీలాద్రి), సెప్టెంబర్ 1: ఇంద్రకీలాద్రి అధిష్టాన దేవతగా ఉన్న శ్రీకనకదుర్గమ్మ సన్నిధిలో ఉన్న హుండీలను శ్రీదుర్గా మల్లేశ్వరస్వామివార్ల దేవస్థానం ఇవో ఎ సూర్యకుమారి ఆధ్వర్యంలో ఆలయ సిబ్బంది లెక్కించగా 4 కోట్ల 99 రూపాయలు లభించాయి. కృష్ణ పుష్కరాల సందర్భంగా అమ్మవారి సన్నిధిలో ఏర్పాటు చేసిన హుండీలను 4 రోజులపాటు ఆలయ సిబ్బంది లెక్కించగా ఈ మేరకు ఆదాయం లభించింది.

గుంటూరు, సెప్టెంబర్ 1: తుళ్లూరులోని సిఆర్‌డిఎ కార్యాలయం ఎదుట గురువారం ఓ రైతు ఆత్మహత్యాయత్నానికి పాల్పడ్డాడు. రాంబాబు అనే రైతు ఒంటిపై పెట్రోల్ పోసుకుని ఆత్మహత్యకు యత్నించడంతో స్పందించిన పోలీసులు వెంటనే అడ్డుకున్నారు. ఈ విషయమై రైతు రాంబాబు మాట్లాడుతూ తుళ్లూరులో రాజధాని ఏర్పడితే తమ ప్రాంతం అభివృద్ధి చెందుతుందని భావించి తనకున్న 47 సెంట్ల భూమిని ప్రభుత్వానికి అప్పగించానని తెలిపారు.