కర్నూలు: కుంభకర్ణుడిలా పవన్‌ కల్యాణ్‌ ఆరు నెలలకోసారి నిద్రలేచి ఇష్టం వచ్చినట్టు మాట్లాడటం తగదని టీడీపీ ఎంపీ టీజీ వెంకటేష్ మండిపడ్డారు. రాజకీయాలు అంటే గడ్డం గీసుకున్నంత ఈజీ కాదని, అన్ని విషయాలు తెలుసుకుని మాట్లాడితే బాగుంటుందని టీజీ హితవు పలికారు. త్వరలో చిరంజీవి రాజ్యసభ పదవికాలం ముగుస్తుందని, రాజీనామాలు అంటూ చౌకబారు వ్యాఖ్యలు చేయడం సరికాదని దుయ్యబడ్డారు.

తిరుమల: ఏపీకి ప్రత్యేక హోదా వచ్చే వరకు పోరాటం చేస్తామని ఉప ముఖ్యమంత్రి కేఈ కృష్ణమూర్తి తెలిపారు. తిరుమల స్వామివారి సేవలో పాల్గొన్న కృష్ణమూర్తికి తితిదే అధికారులు ప్రత్యేక దర్శన ఏర్పాట్లు చేశారు. అనంతరం కేఈ మాట్లాడుతూ, ప్రత్యేక హోదా కోసం పోరాటం మొదలు పెట్టిన జనసేన పార్టీ అధినేత పవన్‌కళ్యాణ్‌కు ధన్యవాదాలు తెలిపారు.

కర్నూలు: సోమవారం ఉదయం కర్నూలు వెంకన్న బావి వద్ద కర్ణాటక రాష్ట్రానికి చెందిన అంబులెన్స్‌ అంబులెన్స్‌ టైరు పంక్చర్‌ కావడంతో ఒక్కసారిగా అదుపుతప్పి రోడ్డు అవతలి వైపు ఉన్న లారీని లారీని ఢీకొంది. అంబులెన్స్‌లో ఉన్న ఇద్దరు మృతి చెందారు. లారీ డ్రైవర్‌, క్లీనర్‌కు గాయాలయ్యాయి. గాయపడిన వారిని చికిత్స నిమిత్తం కర్నూలు ప్రభుత్వాసుపత్రికి తరలించారు.

అనంతపురం కల్చరల్, ఆగస్టు 28 : ఆర్థికంగా వెనకబడిన పేద బ్రాహ్మణుల ఆర్థికాభివృద్ధికి బ్రాహ్మణ వెల్ఫేర్ కార్పొరేషన్ చేయూతనందిస్తుందని కార్పొరేషన్ చైర్మన్ ఐవైఆర్.కృష్ణారావు పేర్కొన్నారు. కృష్ణారావు ఆదివారం అనంతపురం నగరంలో వివిధ కార్యక్రమాల్లో పాల్గొన్నారు. అందులో భాగంగా నగరంలోని లలిత కళా పరిషత్‌లో నిర్వహించిన బ్రాహ్మణ సమ్మేళనంలో మాట్లాడారు.