విజయవాడ: పగటి ఉష్ణోగ్రతలు పెరిగినందున ఉపవాసాలతో పుష్కర స్నానాలకు రావద్దని వైద్యులు సూచిస్తున్నారు. గత రెండు, మూడు రోజులుగా ఘాట్‌ల వద్ద కొందరు స్పృహతప్పి పడిపోయినందున వైద్యులు ఈ సూచనలు చేస్తున్నారు. ఎండవేళ దాహం అధికంగా ఉంటే మంచినీళ్లు, కొబ్బరి నీళ్లు తాగాలని, ఉపవాసాలతో వస్తే ఆరోగ్యపరంగా ఇబ్బందులు తప్పవంటున్నారు. విజయవాడలో ఘాట్‌ల వద్ద జిల్లా వైద్య, ఆరోగ్యశాఖ వైద్య శిబిరాల సంఖ్యను పెంచింది.

విశాఖ : గ్యాంగ్‌స్టర్ నయీముద్దీన్ గత రెండు, మూడు నెలల్లో పలుమార్లు విశాఖకు వచ్చి వెళ్లాడని సిట్ అధికారులు నిర్ధారణకు వచ్చారు. నయీమ్ విశాఖ ఎందుకొచ్చినట్టు? ఏమైనా సెటిల్‌మెంట్లు, దందాలు చేశాడా? అన్న అంశాలపై సిట్ అధికారులు విచారణ చేపట్టినట్టు సమాచారం. సిట్ అధికారులు ఆదివారం విశాఖలో ప్రధానంగా రైల్వేస్టేషన్‌పై దృష్టి సారించి.. ఆర్‌పీఎఫ్, రైల్వే పోలీసు, ఇతర ఉన్నతాధికారులతో భేటీ అయ్యారు.

అనంతపురం కల్చరల్, ఆగస్టు 15: అనంతపురం నగరంలోని నీలం సంజీవరెడ్డి(పిటిసి) మైదానంలో సోమవారం జరిగిన రాష్టస్థ్రాయి 70వ స్వాతంత్య్ర దినోత్సవ వేడుకలు అంబరాన్నంటాయి. రాష్టస్థ్రాయి వేడుకలు మొట్టమొదటిసారి నగరంలో నిర్వహించడంతో తిలకించేందుకు జనం పెద్దఎత్తున తరలివచ్చారు. తొలుత జాతీయ పతాకావిష్కరణ గావించిన ముఖ్యమంత్రి అనంతరం ఓపెన్‌టాప్ జీపులో స్టేడియం చుట్టూ తిరిగి ప్రజలకు అభివాదం చేశారు.

జి.మాడుగల, ఆగస్టు 15: విశాఖ జిల్లా జి.మాడుగల మండలంలోని పలు ప్రాంతాల్లో స్వాతంత్ర దినోత్సవంరోజు ఎగరాల్సిన జాతీయ జెండాలకు బదులు నల్ల జెండాలు రెపరెపలాడాయి. పంద్రాగస్టు వేడుకలను బహిష్కరించాలని మావోయిస్టులు పిలుపునివ్వడంతో మండలంలో ఎక్కడా త్రివర్ణ పతాకం రెపరెపలాడ లేదు. బొయితిలి ఆశ్రమ పాఠశాల ఆవరణలో ఆదివారం రాత్రి ముగ్గురు సాయుధ మావోయిస్టులు నల్ల జెండాను ఎగరవేసారు.