హైదరాబాద్, ఆగస్టు 15: ‘దేశంలో దళితులపై జరుగుతున్న దాడులు చూస్తుంటే నిజంగా మనకు స్వాతంత్య్రం వచ్చిందా? అనే అనుమానం కలుగుతోంది..’ అని వైఎస్సార్ కాంగ్రెస్ పార్టీ అధ్యక్షుడు, ఎపి ప్రతిపక్ష నేత వైఎస్ జగన్మోహన్ రెడ్డి అన్నారు. సోమవారం స్వాతంత్య్ర దినోత్సవం సందర్భంగా లోటస్ పాండ్‌లోని పార్టీ కార్యాలయంలో జగన్ త్రివర్ణ పతాకాన్ని ఆవిష్కరించారు.

హైదరాబాద్, ఆగస్టు 15: రానున్న శాసనసభ సమావేశాలను అమరావతిలో నిర్వహించే అవకాశాలను పరిశీలిస్తున్నామని స్పీకర్ డాక్టర్ కోడెల శివప్రసాదరావు తెలిపారు. స్వాతంత్య్ర దినోత్సవం సందర్భంగా శాసనసభ ఆవరణలో సోమవారం ఆయన పతాకావిష్కరణ చేసిన అనంతరం కొద్దిసేపు మీడియాతో మాట్లాడారు. వచ్చే నెలలో జరిగే అసెంబ్లీ సమావేశాలు అమరావతిలో జరిగేలా చూస్తానని, ఈ విషయమై ప్రభుత్వంతో చర్చిస్తానని చెప్పారు.

విజయవాడ: కృష్ణా పుష్కరాల నిర్వహణపై పోలీస్‌ అధికారులు, ఇతర ఉన్నతాధికారులతో సమీక్షించిన ఆంధ్రప్రదేశ్‌ ముఖ్యమంత్రి చంద్రబాబు నాయుడు కొద్దిసేపటి క్రితమే విజయవాడ నుంచి భాగ్యనగరానికి బయల్దేరారు. హైదరాబాద్‌ రాజ్‌భవన్‌లో తెలుగు రాష్ట్రాల ఉమ్మడి గవర్నర్‌ నరసింహన్‌ ఇచ్చే తేనీటి విందులో చంద్రబాబు పాల్గొంటారు.

అనంతపురం: అనంతపురం జిల్లాను అన్ని విధాలా అభివృద్ధి చేసేందుకు తమ ప్రభుత్వం కంకణం కట్టుకుందని, ఈ నేపథ్యంలోనే ఎన్టీఆర్ ఆశయం పేరుతో జిల్లాకు 6,554 కోట్ల రూపాయలతో ప్రత్యేక ప్యాకేజీని అమలు చేస్తామని ఎపి సిఎం చంద్రబాబు ప్రకటించారు. ఇక్కడ సోమవారం స్వాతంత్య్ర దినోత్సవం సందర్భంగా జాతీయ జెండాను ఆవిష్కరించిన తర్వాత ఆయన మాట్లాడుతూ, ఈ జిల్లాపై దివంగత నేత ఎన్టీఆర్‌కు ఎంతో ప్రేమ ఉండేదన్నారు.