ఇబ్రహీంపట్నం/మైలవరం, ఆగస్టు 13: ఇప్పటి వరకూ తాను ఎనిమిది పుష్కరాలలో స్నానం చేసి జన్మధన్యం చేసుకున్నానని ఒక పండు వృద్ధురాలు తన అనుభూతిని ఆంధ్రభూమితో పంచుకుంది. ఇబ్రహీంపట్నానికి చెందిన చిలుకూరి స్వరాజ్యలక్ష్మి(90) అనే వృద్ధురాలు పోలీసుల సాయంతో ఇబ్రహీంపట్నంలోని సంగమం ఘాట్‌లో పుణ్యపుష్కర స్నానం చేయటానికి వచ్చింది. నడవలేని ఈమెను పోలీసులు వీల్ చైర్‌లో పుష్కర స్నానానికి తీసుకెళ్లారు.

మచిలీపట్నం, ఆగస్టు 13: కృష్ణానదీ జలాలతో పునీతమవుతున్న మహారాష్ట్ర, కర్ణాటక, తెలంగాణ, ఆంధ్రప్రదేశ్ రాష్ట్రాలకు కృష్ణా పుష్కరాలు శుభసూచకం కానున్నాయని భగవాన్ విశ్వయోగి విశ్వంజీ మహరాజ్ పేర్కొన్నారు. కృష్ణా పుష్కరాల్లో భాగంగా శనివారం సాగర సంగమ క్షేత్రం వద్ద ఆయన శాసన మండలి ఉప సభాపతి బుద్ధప్రసాద్‌తో కలసి పుణ్యస్నానం ఆచరించారు.

హైదరాబాద్, ఆగస్టు 13: జిల్లాల పునర్వ్యవస్థీకరణ ఏ ప్రాతిపదికన చేస్తున్నారో, కొత్త జిల్లాలను ఏ విధంగా ఏర్పాటు చేస్తారో ముందుగా ముసాయిదా ప్రకటించాలని, ఆ తరువాతనే ప్రజాప్రతినిధుల అభిప్రాయాలు సేకరిస్తే బాగుంటుందని విపక్షాలకు చెందిన శాసన సభ్యులు సూచించారు. కొత్త జిల్లాలపై ఏర్పాటు చేసిన కేబినెట్ సబ్ కమిటీ వివిధ వర్గాల నుంచి అభిప్రాయాలను సేకరిస్తోంది.

విశాఖపట్నం, ఆగస్టు 13: అన్నివిధాలా ప్రగతి సాధించేందుకు వీలుగా విశాఖ జిల్లాలోని పలు మండలాల పరిధిలో వంద గ్రామాలను తాను దత్తత తీసుకుంటున్నట్టు రాజ్యసభ సభ్యులు డాక్టర్ టి.సుబ్బిరామిరెడ్డి ప్రకటించారు. శనివారం ఆయన నివాసంలో ఏర్పాటు చేసిన విలేఖరుల సమావేశంలో మాట్లాడుతూ కేంద్ర ప్రభుత్వరంగ సంస్థల భాగస్వామ్యంతో టిఎస్సార్ ట్రస్టు ఆధ్వర్యంలో దత్తత గ్రామాల అభివృద్ధి చేపడతామన్నారు.