విజయవాడ, ఆగస్టు 13: కృష్ణా పుష్కరాలను పురస్కరించుకుని ముఖ్యమంత్రి చంద్రబాబు ఉండవల్లిలోని తన నివాసం వద్ద ఉన్న కృష్ణా తీరంలో తన పితృ దేవతలకు శనివారం పిండ ప్రదానం చేశారు. ముఖ్యమంత్రి చంద్రబాబు నాయుడు అతని మామ ఎన్‌టి రామారావుకు, ఆయన సతీమణి బసవరామ తారకంకు, ఆయన తండ్రి ఖర్జూరనాయుడు, తల్లి అమ్మన్నమ్మకు, పితృదేవతలకు, రాష్ట్రంలో దివంగతులైన వారందరికీ పిండ ప్రదానం చేశారు.

హైదరాబాద్, ఆగస్టు 13: ఆంధ్రప్రదేశ్ రాజధాని అమరావతికి సచివాలయాన్ని తరలించేందుకు సన్నాహాలు పూర్తయ్యాయి. ఇప్పటికే శాఖాధిపతుల కార్యాలయాలు అన్నీ హైదరాబాద్ నుండి గుంటూరు, విజయవాడ, ఇబ్రహీంపట్నం పరిసరాలకు తరలివెళ్లాయి. సచివాలయంలో కూడా వివిధ విభాగాలు ఒకేచోట కేంద్రీకృతం చేయడానికి వీలు లేకపోవడంతో కొన్ని శాఖలు స్వతంత్రంగా భవనాలను తీసుకుని కార్యాలయాలను ఏర్పాటు చేశాయి.

గన్నవరం/పటమట, ఆగస్టు 12: కృష్ణా పుష్కరాల తొలిరోజు శుక్రవారం విజయవాడలో అపశ్రుతులు దొర్లాయి. పండింట్ నెహ్రూ బస్టాండ్ ఎదురుగా వున్న పద్మావతి ఘాట్‌లో ఐదేళ్ల బాలుడు కిరణ్ కుమార్ పడి మృతి చెందాడు. మర్వాడి గుడి దగ్గరలోని పద్మావతి ఘాట్ చివర మధ్యాహ్నం 3 గంటల సమయంలో పారిశుద్ధ్య కార్మికులు ఘాట్‌ను శుభ్రం చేస్తుండగా బాలుడు ఘాట్ నీటిలో మృతి చెంది పడి వుండటాన్ని గమనించి అధికారులకు సమాచారమిచ్చారు.

దేవరకొండ, ఆగస్టు 12: చంద్రబాబునాయుడు ఉన్నంత కాలం తాను ఆంధ్రప్రదేశ్‌లో పుణ్యస్నానాలు ఆచరించనని మాజీ ముఖ్యమంత్రి ఎన్‌టి ఆర్ సతీమణి, వై ఎస్ ఆర్‌సిపి నాయకురాలు లక్ష్మీపార్వతి చెప్పారు. శుక్రవారం ఆమె నల్లగొండ జిల్లా చందంపేట మండలం పెద్దమునిగల్ పుష్కరఘాట్ వద్ద పుణ్యస్నానమాచరించారు. ఈ సందర్భంగా లక్ష్మీపార్వతి విలేకరులతో మాట్లాడుతూ తనకు మొదటి నుండి తెలంగాణ అంటే ఎంతో అభిమానమన్నారు.