రాజమహేంద్రవరం, జూలై 25: గోదావరి నది అంత్య పుష్కరాలను అట్టహాసంగా నిర్వహించి పుష్కరుడుని ఘనంగా సాగనంపడానికి ఏర్పాట్లు చేపట్టారు. దేశంలో ఏ నదికీ లేని విధంగా ఆది పుష్కరాలు, అంత్య పుష్కరాలు ఒక్క గోదావరి నదికి మాత్రమే సొంతం. అతి ప్రాచీన నది గోదావరికి సంస్కృతి, సంప్రదాయాల నేపథ్యంలో ఘనంగా పుష్కరాలు నిర్వహించుకోవడం ఆనవాయితీ. ఈ నెల 31 నుంచి ఆగస్టు 11వ తేదీ వరకు గోదావరి నదికి అంత్య పుష్కరాలు జరగనున్నాయి.

విజయనగరం: తనను ప్రేమించడం లేదన్న కక్షతో ఓ యువకుడు యువతిపై బ్లేడుతో దాడి చేసిన సంఘటన ఇక్కడి గాజులరేగలో సోమవారం జరిగింది. ఎస్.కోటకు చెందిన ఎంబిఎ విద్యార్థి విక్రమ్ కొంతకాలంగా గాజులరేగకు చెందిన యువతి వెంట పడుతున్నాడు. తనను పెళ్లి చేసుకోవాలని ఆమె ఇంటికి తన కుటుంబ సభ్యులను పంపాడు. విక్రమ్‌తో పెళ్లికి యువతి కుటుంబ సభ్యులు సమ్మతించలేదు. దీంతో బ్లేడుతో దాడి చేసేందుకు ఆమె ఇంట్లోకి విక్రమ్ చొరబడ్డాడు.

విజయవాడ: మనం-వనం కార్యక్రమంలో భాగంగా ఈనెల 29న రాష్ట్ర వ్యాప్తంగా కోటి మొక్కలను నాటేందుకు సన్నాహాలు చేస్తున్నట్టు ఎపి సిఎం చంద్రబాబు తెలిపారు. ఆయన సోమవారం అధికారులు, ప్రజాప్రతినిధులతో టెలికాన్ఫరెన్స్ నిర్వహించారు. నాటిన ప్రతి మొక్కనూ పరిరక్షించుకునేలా ఆధునిక సాంకేతికను ఉపయోగిస్తామన్నారు. హరితాంధ్రప్రదేశ్‌ను సాకారం చేసేందుకు అధికారులు, ప్రజాప్రతినిధులు సమన్వయంతో పనిచేయాలన్నారు.

నెల్లూరు, జూలై 24:‘ఆంధ్రప్రదేశ్ నన్ను దత్తత తీసుకుంది. నేను ఆంధ్రుల దత్తపుత్రుణ్ని, జీవితాంతం కొత్త రాష్ట్భ్రావృద్ధికి శాయశక్తులా సహకరిస్తా’ అని రైల్వే మంత్రి సురేష్ ప్రభు స్పష్టం చేశారు. ఆదివారం నెల్లూరు నగరంలో ఆయన రైల్వే సంబంధిత అభివృద్ధి కార్యక్రమాలను ప్రారంభించారు. ఈ సందర్భంగా ఆయన మాట్లాడుతూ కొత్తగా ఏర్పడ్డ రాష్ట్రానికి రైల్వే కేటాయింపుల్లో ప్రాధాన్యత ఇస్తున్నట్లు గుర్తు చేశారు.