విజయవాడ: పుష్కర యాత్రికులకు సంపూర్ణ సహకారం అందించాలని అధికారులను సీఎం చంద్రబాబు ఆదేశించారు. కృష్ణా పుష్కరాల ఏర్పాట్లపై ఆదివారం సమీక్ష నిర్వహించారు. కృష్ణా, గోదావరి సంగమ ప్రదేశంలో ప్రత్యేక కార్యక్రమాలు నిర్వహిస్తామని, అక్షయ పాత్ర, టీటీడీ సహకారంతో పుష్కర యాత్రికులకు నాణ్యమైన ఆహారం అందించాలని సీఎం సూచించారు.

కర్నూలు : నిన్న రాత్రి నుంచి కురిసిన వర్షానికి శ్రీశైలం సమీపంలోని పాతాళగంగలో కొండ చరియలు విరిగిపడుతున్నాయి. దీంతో భక్తులు కొంత ఇబ్బంది పడాల్సిన పరిస్థితి ఏర్పడింది. కృష్ణా పుష్కరాల పనుల నిర్వహణకు అంతరాయం ఏర్పడుతోంది. రోప్ వే రాకపోకలు నిలిచిపోయాయి.

గాజువాక, జూలై 23: ప్రత్యేక తరహాలో రూపొందించిన డ్రైవ్ ఇన్ థియేటర్ (కంటైనర్ థియేటర్)ను ఎపి సిఎం చంద్రబాబునాయుడు విశాఖలో శనివారం ప్రారంభించారు. సుమారు రూ.35 లక్షల వ్యయంతో కంటైనర్‌లో అత్యాధునిక సదుపాయాలతో థియేటర్‌ను ఎస్‌టిబిఎల్ సంస్థ రూపొందించింది. గ్రామీణ ప్రాంతాల్లో మూతబడుతున్న సిన్మా హాళ్లను దృష్టిలో ఉంచుకుని, దీన్ని రూపొందించినట్టు సంస్థ యజమాని వీరభద్రరావు సిఎం చంద్రబాబుకు వివరించారు.

విజయవాడ, జూలై 23: పోలీస్‌శాఖలో రాష్ట్ర విభజనకు ముందు తాను వివిధ హోదాల్లో 30 ఏళ్లు పైగా పనిచేస్తే ట్రైనీ ఎఎస్‌పిగా గుంటూరులో కొంతకాలం పనిచేయటం మినహా పూర్తిస్థాయి తెలంగాణలో పనిచేసి అన్ని స్థాయిల్లోనూ అక్కడి వారందరితో మమేకమై విధులు నిర్వర్తించిన తనను రాష్ట్ర విభజన ఎంతో బాధించిందంటూ డిజిపి జెవి రాముడు ఉద్వేగంతో అన్నారు. విధి నిర్వహణలో దేశంలో అనేక రాష్ట్రాల్లో పర్యటించాను..