విజయవాడ: ఆధునిక టెక్నాలజీ సాయంతో నేరాలను నియంత్రించి శాంతి భద్రతలను కాపాడతామని ఎపి డిజిపిగా బాధ్యతలు చేపట్టిన నండూరి సాంబశివరావు శనివారం తెలిపారు. పదవీ విరమణ చేస్తున్న డిజిపి జెవి రాముడు నుంచి ఆయన బాధ్యతలు చేపట్టారు. తనను డిజిపిగా ఎంపిక చేసినందుకు సిఎం చంద్రబాబుకు నండూరి కృతజ్ఞతలు తెలిపారు. పోలీసు శాఖలో నిత్యం ఎదురయ్యే సవాళ్లను అధిగమిస్తూ రాష్ట్రానికి సేవలందిస్తానని ఆయన చెప్పారు.

శ్రీశైలం: జూరాల నుంచి శుక్రవారం ఏడు గేట్లు ఎత్తి 69,540 క్యూసెక్కుల నీటిని దిగువ శ్రీశైలానికి విడుదల చేస్తున్నారు. శ్రీశైలానికి ఈ ఏడాది ఆలస్యంగానైనా ఇన్‌ఫ్లో మొదలయింది. ఆల్మట్టి, నారాయణపూర్‌, జూరాల ఆనకట్టల వద్ద నీటిమట్టం గరిష్ఠస్థాయి చేయడంతో ఆయా జలాశయాలకున్న ప్రవాహాలను బట్టి దిగువకు వరదనీటిని వదులుతున్నారు.

హైదరాబాద్, జూలై 22: రాజకీయ పార్టీలకు ప్రభుత్వ భూములను రాజధాని అమరావతితో పాటు జిల్లా కేంద్రాల్లో ఇవ్వాలన్న చంద్రబాబు ప్రభుత్వ నిర్ణయాన్ని వైకాపా తీవ్రంగా వ్యతిరేకించింది. వెంటనే ఈ ప్రతిపాదనలను ఉపసంహరించుకోవాలని వైకాపా సీనియర్ నేత బొత్స సత్యనారాయణ డిమాండ్ చేశారు. అసెంబ్లీలోరాజకీయ పార్టీలకు సీట్లను బట్టి భూములు, స్ధలాన్ని కేటాయించాలన్న ప్రభుత్వం నిర్ణయం దుర్మార్గమైన చర్యగా ఆయన అభివర్ణించారు.

విశాఖపట్నం, జూలై 22: చెన్నై నుంచి పోర్టు బ్లెయిర్‌కు వెళ్తున్న వాయుసేన విమానం (ఎఎన్ 32) అదృశ్యమైన ఘటనలో విశాఖ నేవల్ ఆర్మ్‌డ్ డిపో (ఎన్‌ఎడి)కి చెందిన సిబ్బంది ఎనిమిదిమంది ఉన్నారు.