సింహాచలం, జూలై 18: కృతయుగ దైవం వరాహ నారసింహుడు కొలువైవున్న సింహాచలం భక్తజన సంద్రమైంది. ఆషాఢ పౌర్ణమి ఉత్సవంలో భాగంగా సోమవారం సింహగిరి ప్రదక్షిణకు తరలివచ్చిన భక్తకోటి హరినామస్మరణతో సింహాచలం మారుమోగింది. వైభవోపేతంగా జరిగిన సింహగిరి ప్రదక్షిణ వేడుకను రాష్ట్ర మంత్రి గంటా శ్రీనివాసరావు టెంకాయ కొట్టి, జండా ఊపి రథయాత్ర ప్రారంభించారు.

విశాఖపట్నం, జూలై 18: అధికారం ఉందన్న అహంకారంతోనే పాల్మన్‌పేట మత్స్యకారులపై తెలుగుదేశం నేతలు దాడులకు తెగబడ్డారని వైఎస్సార్ కాంగ్రెస్ అధినేత వైఎస్ జగన్‌మోహన రెడ్డి తీవ్ర స్థాయిలో ధ్వజమెత్తారు. విశాఖ జిల్లా పాయకరావుపేట నియోజకవర్గం పాల్మన్‌పేట, రాజయ్యపేట గ్రామాలకు చెందిన రెండు వర్గాల మధ్య దాడుల ఘటనలో బాధిత కుటుంబాలను సోమవారం జగన్ పరామర్శించారు. ఈ సందర్భంగా పాల్మన్‌పేట మత్స్యకారులను జగన్ ఓదార్చారు.

హైదరాబాద్, జూలై 18: రెండేళ్ల తెలుగుదేశం పాలనలో అడుగడుగునా అవినీతి. అసలు కొన్ని పథకాలున్నాయని తెలియని ఆశ్చర్యం. రైతు రుణ మాఫీ, డ్వాక్రా రుణ మాఫీలతోపాటు, బ్యాంకుల్లో కుదవ పెడుతున్న బంగారం అమ్మకాలపై సెంటిమెంటుతో కూడిన ఆగ్రహం. జన్మభూమి కమిటీలు పార్టీ కమిటీలవుతున్నాయన్న విమర్శ. అవినీతి విషయాలు పట్టని గ్రామీణం. ఇదీ గడపగడపకూ వైసీపీలో ఇచ్చిన వంద ప్రశ్నలకు వస్తున్న జవాబులు!

న్యూఢిల్లీ, జూలై 18: ప్రత్యేక హోదా కోరుతూ రాజ్యసభలో ప్రైవేట్ బిల్లు మద్దతు అడిగే ముందు విభజన చట్టంలో దాన్ని ఎందుకు పెట్టలేదో కాంగ్రెస్ రాజ్యసభ సభ్యుడు కెవిపి రామచందర్‌రావు సమాధానం చెప్పాలని టిడిపి ఎంపీ కింజరపు రామ్మోహన్ నాయుడు ప్రశ్నించారు. కాంగ్రెస్ పార్టీ విభజన విషయంలో ఎపికి అన్యాయం చేసిందని విమర్శించారు. హైకోర్టు విభజనకు తమకు ఎటువంటి అభ్యంతరం లేదని ఆయన వెల్లడించారు.