S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

05/05/2016 - 17:07

శ్రీకాకుళం: ఎపికి ప్రత్యేకహోదా దక్కాలంటే పార్టీలకు అతీతంగా బలమైన ఉద్యమం చేపట్టాలని వైకాపా నేత, మాజీ మంత్రి ధర్మాన ప్రసాదరావు సూచించారు. ప్రత్యేకహోదా ఇచ్చేదిలేదంటూ కేంద్రం స్పష్టం చేసినందున రాజకీయాలను పక్కనపెట్టి అన్ని పార్టీలూ ఒకే లక్ష్యంతో పోరాడాలన్నారు. అన్ని విధాలా వెనుకబడిన శ్రీకాకుళం జిల్లాకు గత రెండేళ్ల కాలంలో ఒక్క ప్రాజెక్టు కూడా దక్కలేదన్నారు.

05/05/2016 - 15:11

కర్నూలు: తెలంగాణలో చేపట్టే ప్రాజెక్టులపై నిరసన తెలిపేందుకు వైకాపా అధ్యక్షుడు జగన్ దీక్షకు దిగితే రాయలసీమకు నష్టమే జరుగుతుందని రాయలసీమ పరిరక్షణ సమితి అధ్యక్షుడు బైరెడ్డి రాజశేఖరరెడ్డి గురువారం తెలిపారు. తెలంగాణ ప్రాజెక్టులపై కెసిఆర్, చంద్రబాబు, జగన్ ఏకాభిప్రాయంతో వ్యవహరిస్తే బాగుంటుందన్నారు. తెలంగాణ సహకరించకుంటే రాయలసీమకు మనుగడ లేదన్నారు.

05/05/2016 - 15:10

హైదరాబాద్: ఎపి రాజధాని అమరావతికి తరలివెళ్లేందుకు తాము సిద్ధంగా ఉన్నప్పటికీ పలు సమస్యలు వేధిస్తున్నాయని ఎపి ఉద్యోగ సంఘాల నేత మురళీకృష్ణ గురువారం ఇక్కడ ప్రభుత్వ ప్రధాన కార్యదర్శి టక్కర్‌కు నివేదించారు. కృష్ణా, గుంటూరు జిల్లాల్లో తమ పిల్లలకు అడ్మిషన్లు దొరకడం లేదని, అమరావతి ప్రాంతంలో ఇంటి అద్దెలను నియంత్రించాలని ఆయన వివరించారు.

05/05/2016 - 15:10

విజయవాడ: ఎపికి ప్రత్యేకహోదా సాధించేందుకు టిడిపి పోరుబాటను ఎంచుకుంటే తాము మద్దతు ఇస్తామని సిపిఎం నేత మధు గురువారం ఇక్కడ ప్రకటించారు. ఎన్నికల ముందు ఇచ్చిన హామీని విస్మరించి ఎన్‌డిఎ సర్కారు రాష్ట్ర ప్రజల్ని మోసగించిందన్నారు. బిజెపి తీరు తెలిశాక టిడిపి నేతలు ఇపుడు ఏం మాట్లాడతారని ఆయన నిలదీశారు.

05/05/2016 - 15:10

హైదరాబాద్: ప్రత్యేకహోదా ఇవ్వకుండా ఎపికి అన్యాయం చేస్తే ప్రజల పక్షాన పోరాడతామని టిడిపి ఎమ్మెల్సీ జూపూడి ప్రభాకరరావు గురువారం ఇక్కడ విలేఖరులకు తెలిపారు. ప్రత్యేకహోదాపై ప్రధాని మోదీ ప్రకటన చేస్తే స్పష్టత వస్తుందన్నారు. తాము కేంద్రంతో రాజీపడుతున్నామన్న ఆరోపణలు వస్తున్నా జనం కోసం ఇంకా ఓపికపడుతున్నామని ఆయన చెప్పారు.

05/05/2016 - 12:18

శ్రీకాకుళం: ఎపి సిఎం చంద్రబాబు గురువారం ఉదయం ఇక్కడి అరసవిల్లిలోని ప్రసిద్ధ సూర్యనారాయణ స్వామివారి ఆలయాన్ని సందర్శించి పూజలు చేశారు. అర్చకులు ఆయనకు ఆలయ మర్యాదలతో స్వాగతం పలికారు. ఆదిత్యుడిని దర్శించుకున్న అనంతరం చంద్రబాబు విజయనగరం జిల్లా పర్యటనకు వెళ్లారు.

05/05/2016 - 12:17

శ్రీకాకుళం: జిల్లాలోని భావనపాడు వద్ద పోర్టు నిర్మిస్తే పారిశ్రామిక అభివృద్ధితో పాటు స్థానికులకు ఉపాధి అవకాశాలు దక్కుతాయని సిఎం చంద్రబాబు అన్నారు. ఆయన గురువారం ఇక్కడ టెక్కలి, పలాస నియోజకవర్గాల టిడిపి నాయకులు, భూనిర్వాసితులతో మాట్లాడారు. భూసేకరణ న్యాయబద్ధంగా జరుగుతుందని గనుకు పోర్టు నిర్మాణానికి సహకరించాలని ఆయన విజ్ఞప్తి చేశారు.

05/05/2016 - 12:17

అనంతపురం: రంగనాయకులు అనే ఆర్టీసీ డ్రైవర్ బుధవారం అర్ధరాత్రి పురుగుమందు తాగి ఆత్మహత్య చేసుకోవడం ఇక్కడ సంచలనం సృష్టించింది. అధికారుల వేధింపుల వల్లే ఇతను ఆత్మహత్య చేసుకున్నాడని ఆర్టీసీ డిపో వద్ద గురువారం ఉదయం కార్మికులు ఆందోళన చేపట్టారు.

05/05/2016 - 12:16

విజయవాడ: గత ఎన్నికల ముందు ఇచ్చిన హామీలను గాలికొదిలేసి ఎపి ప్రజలను బిజెపి నేతలు దారుణంగా వంచించారని కాంగ్రెస్ నేత దేవినేని నెహ్రూ విమర్శించారు. ఆయన గురువారం ఇక్కడ విలేఖరులతో మాట్లాడుతూ, ఎపికి ఐదేళ్లు కాదు, పదేళ్లు ప్రత్యేకహోదా ఇవ్వాలని రాష్ట్ర విభజన సమయంలో గొప్పలు చెప్పిన వెంకయ్యనాయుడు, అరుణ్ జైట్లీ ఇపుడు ప్రజలకు ఏం సమాధానం చెబుతారని ఆయన ప్రశ్నించారు.

05/05/2016 - 12:16

విశాఖ: ఎపికి ప్రత్యేక హోదా ఇచ్చేదిలేదని కేంద్రం ప్రకటించినందుకు నిరసనగా గురువారం ఇక్కడ విద్యార్థి జెఎసి ఆధ్వర్యంలో ధర్నా నిర్వహించారు. ప్రత్యేక హోదాపై ఇకనైనా నోరు విప్పకపోతే బిజెపి నేతలను ఎక్కడికక్కడ ఘెరావ్ చేస్తామని విద్యార్థి సంఘాల నేతలు హెచ్చరించారు. ఎన్నికల మేనిఫెస్టోలో ఇచ్చిన హామీలను ప్రధాని అమలుచేయాలని వారు నినాదాలు చేశారు.

Pages