S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

12/08/2015 - 11:52

అనంతపురం: సెమిస్టర్ పరీక్షల్లో ఫెయిలయినట్లు తెలుసుకొని మనస్తాపానికి గురైన ఇంజనీరింగ్ విద్యార్థి సోమవారం అర్ధరాత్రి రైలు కింద పడి ఆత్మహత్య చేసుకున్నాడు. గుత్తి రైల్వేస్టేషన్ సమీపంలో ఈ ఘటన జరిగింది. మృతుడిని కళ్యాణదుర్గంకు చెందిన లోకేష్ (23)గా గుర్తించారు. ఇంజనీరింగ్ రెండవ సంవత్సరం చదువుతున్న ఈ విద్యార్థి ఆత్మహత్యతో కళాశాలలో విషాద ఛాయలు అలముకున్నాయి.

12/07/2015 - 16:59

శ్రీకాకుళం : జిల్లాలో పారిశ్రామికాభివృద్ధికి అవకాశాలు అధికంగా ఉన్నాయని, పరిశ్రమలు వస్తే జిల్లా అత్యున్నతంగా అభివృద్ధిచెందుతుందని ముఖ్యమంత్రి చంద్రబాబునాయుడు అన్నారు. ఆయన సోమవారం వజ్రపుకొత్తూరులో జరిగిన జనచైతన్య యాత్రలో పాల్గొన్నారు. ఈ సందర్భంగా ఆయన మాట్లాడుతూ పోర్టు ఏర్పాటుకు మత్స్యకారులు ఎలాంటి ఆందోళనచెందవద్దని అన్నారు. ఈ కార్యక్రమంలో మంత్రులు, ఎమ్మెల్యేలు పాల్గొన్నారు.

12/07/2015 - 16:58

తిరుమల : ఒంటిమిట్ట ఆలయ అభివృద్ధికి రూ.100 కోట్లు మంజూరు చేయాలని టీటీడీ పాలకమండలి నిర్ణయించింది. ఇందులో భాగంగా రూ.20 కోట్లు మంజూరు చేసింది. దేవునికడపలో ఆలయ భవన సముదాయానికి రూ.5 కోట్లు కేటాయించింది. రాఘవేంద్రస్వామి మఠానికి 10వేల చదరపు అడుగుల స్థలం కేటాయించింది. అలాగే బ్రహ్మోత్సవాల్లో పాల్గొన్న ఉద్యోగులకు సైతం ప్రోత్సహాకాలను మంజూరుచేస్తూ నిర్ణయం తీసుకుంది.

12/07/2015 - 14:15

మహానంది: కార్తీక మాసం చివరి సోమవారం సందర్భంగా కర్నూలు జిల్లా మహానందీశ్వరుడి దర్శనం కోసం భక్తులు వేలాదిగా తరలివచ్చారు. స్వామి దర్శనం కోసం 3 నుంచి 4 గంటల సమయం పడుతోంది. దాదాపు 60 వేల మంది భక్తులు నందీశ్వరుడి దర్శనం కోసం వేచి ఉన్నారు. ఏపీ డిప్యూటీ సీఎం కేఈ కృష్ణమూర్తి, దేవాదాయ శాఖా మంత్రి మాణిక్యాల రావు ఈ రోజు స్వామిని దర్శించుకున్నారు.

12/07/2015 - 14:08

విజయవాడ: కృష్ణలంకలో కల్తీ మద్యం ఘటనకు బాధ్యులపై కఠినచర్యలు తీసుకోవాలని భాజపా, వామపక్షాల కార్యకర్తలు జాతీయ రహదారిపై రాస్తారోకో చేపట్టారు.. మృతుల కుటుంబాలను ఆదుకోవాలని కోరారు.

12/07/2015 - 14:05

విజయవాడ : విజయవాడలో సోమవారం విషాదం చోటుచేసుకుంది. కృష్ణలంకలో నిర్వహిస్తున్న వైన్‌షాపులో మద్యం తాగిన పలువురు అస్వస్థతకు గురయ్యారు. వీరిలో ఏడుగురు మృతిచెందగా... 20 మందికి పైగా అస్వస్థతకు గురయ్యారు. వీరిలో ఇద్దరి పరిస్థితి విషమంగా ఉన్నట్లు తెలుస్తోంది. కల్తీ మద్యం ఘటనపై ఆగ్రహించిన స్థానికులు ఆగ్రహం వ్యక్తం చేస్తున్నారు. కాగా ఈ సంఘటనపై ముఖ్యమంత్రి చంద్రబాబు నాయుడు విచారణకు ఆదేశించారు.

12/07/2015 - 11:53

హైదరాబాద్: తెలుగు రాష్ట్రాల ఉమ్మడి గవర్నర్ నరసింహన్‌ను సోమవారం ఉదయం రాజ్‌భవన్‌లో ఎ.పి. స్పీకర్ కోడెల శివప్రసాదరావు కలిశారు. నరసరావుపేట మున్సిపాలిటీ శతాబ్ది ఉత్సవాల్లో పాల్గొనవలసిందిగా గవర్నర్‌ను ఆయన ఆహ్వానించారు.

12/07/2015 - 11:53

విశాఖ: విశాఖలోని నర్సీపట్నంలో ఎక్సైజ్ అధికారులు తనిఖీలు చేసి 500 కిలోల గంజాయిని స్వాధీనం చేసుకున్నారు. గంజాయిని తరలిస్తున్న వాహనాలను సీజ్ చేసి, ఇద్దరిని అరెస్టు చేశారు.

12/07/2015 - 11:52

చిత్తూరు: చిత్తూరు మేయర్ అనూరాధ దంపతుల హత్య కేసులో ప్రధాన నిందితుడైన చింటూకు సహకరించిన నలుగురు యువకులను పోలీసులు సోమవారం అరెస్టు చేశారు. చింటూకు వీరు వాహనాలు, తుపాకులు సమకూర్చినట్టు పోలీసులు తెలిపారు.

12/07/2015 - 11:50

విజయవాడ: ఎ.పి. రాజధాని అమరావతి ప్రాంతంలో స్థిర నివాసం ఏర్పాటు చేసుకొనేందుకు మంత్రులు చేస్తున్న ప్రయత్నాలు కొలిక్కి వస్తున్నాయి. నాగార్జున యూనివర్సిటీ సమీపంలో రాష్ట్ర మంత్రి పరిటాల సునీత సోమవారం ఉదయం గృహ ప్రవేశం చేశారు. ఇప్పటికే ఈ ప్రాంతంలో మంత్రి రావెల కిషోర్‌బాబు నివాసం ఏర్పాటు చేసుకున్నారు. మరి కొందరు మంత్రులు తమకు అనువైన ఇళ్ల కోసం గాలిస్తున్నారు.

Pages