విశాఖపట్నం, మే 26: రాష్ట్రంలో తెలుగు భాష, సాహిత్యానికి సంబంధించి విధానాన్ని తిరుపతిలో జరుగనున్న మహానాడులో ప్రకటించాలని లోక్‌నాయక్ ఫౌండేన్ అధ్యక్షుడు, మాజీ ఎంపీ యార్లగడ్ల లక్ష్మీ ప్రసాద్ డిమాండ్ చేశారు. విశాఖలో గురువారం విలేఖరులతో మాట్లాడుతూ తిరుపతిలో జరుగనున్న మహానాడులో ఈ విషయాన్ని చర్చించి విధానం ప్రకటించాలని డిమాండ్ చేశారు.

తుళ్లూరు, మే 26: రాజధాని నిర్మాణానికి ప్రపంచ బ్యాంకు రుణ సాయం అందించేందుకు సూచనప్రాయంగా అంగీకరించింది. ఈ క్రమంలో రాజధాని ప్రాంతంలో ప్రపంచ బ్యాంకు ప్రతినిధులు గురువారం పర్యటించారు. వెలగపూడి తాత్కాలిక సచివాలయం, కృష్ణాతీర ప్రాంతంలో పర్యటించిన ప్రపంచబ్యాంకు బృందం తుళ్లూరు సీఆర్డీయే కార్యాలయంలో అధికారులతో సమావేశమయ్యారు.

విశాఖపట్నం, మే 26: ఎపిఎంసెట్-2016లో ర్యాంక్‌లు దక్కించుకున్న విశాఖకు చెందిన విద్యార్థులు టిఎంసెట్‌లోనూ ర్యాంక్‌లు సాధించారు. విశాఖకు చెందిన ఇద్దరు విద్యార్థులు ఎపిఎంసెట్‌లో, టిఎంసెట్‌లో మొదటి పది ర్యాంక్‌ల్లో ఉండటం గమనార్హం. ఎపిఎంసెట్‌లో ఇంజనీరింగ్‌లో మొదటి ర్యాంక్ సాధించిన ఎస్.వంశీకృష్ణారెడ్డి టిఎంసెట్‌లో 10వ ర్యాంక్ సాధించాడు.

కాకినాడ, మే 26: ఈసెట్-2016 రెండవ రోజైన గురువారం ప్రశాంతంగా జరిగింది. రాష్ట్రంలో ఆరు రీజినల్ సెంటర్ల పరిధిలోని 79 కేంద్రాల్లో ఈ ప్రవేశ పరీక్షలు నిర్వహించారు. అన్ని కేంద్రాల్లో రెండవ రోజుపరీక్షలు జరిగినట్టు జెఎన్‌టియుకె ఓ ప్రకటనలో తెలిపింది. ఎలక్ట్రానిక్స్ అండ్ కమ్యూనికేషన్స్ విభాగానికి సంబంధించి 7468 మంది దరఖాస్తు చేసుకోగా 6563మంది హాజరయ్యారు. 88.87 శాతం హాజరు నమోదయ్యింది.