కోసిగి, మే 23: పాఠశాలలకు వేసవి సెలవులు కావడంతో సరదాగా ఈత కొట్టేందుకు వెళ్లి చెరువులోని బురదలో దిగబడి ఊపిరాడక నలుగురు బాలురు మృతిచెందిన సంఘటన సోమవారం కర్నూలు జిల్లా కోసిగి గ్రామంలో చోటుచేసుకుంది. 8 నుంచి 12 ఏళ్ల వయసు కల్గిన ఆరుగురు బాలురు ఇంటి వద్ద మధ్యాహ్నం భోజనం చేసి ఈత కొట్టేందుకు గ్రామానికి కిలోమీటర్ దూరంలో ఉన్న బుగేనిచెరువుకు వెళ్లారు.

హైదరాబాద్, మే 23: ఆంధ్రప్రదేశ్ ఇంటర్మీడియట్ అడ్వాన్స్‌డ్ సప్లిమెంటరీ పరీక్షలకు భారీ ఏర్పాట్లు చేశారు. మంగళవారం నుంచి జూన్ 1వ తేదీ వరకూ ఈ పరీక్షలు జరగనున్నాయి. అడ్వాన్స్‌డ్ సప్లిమెంటరీ పరీక్షలకు 4,69,547 మంది హాజరుకానున్నారు. ఇందులో ఫస్టియర్ 3,49, 664 మంది, సెకండియర్ విద్యార్థులు 1,19,883 మంది రాస్తున్నారు. ఇందులో బాలురు 2,57,546 మంది కాగా బాలికలు 2,12,001 మంది ఉన్నారు.

విజయవాడ, మే 23: అన్నపూర్ణ వంటి ఆంధ్రప్రదేశ్‌ను తన చేతకాని తనంతో ముఖ్యమంత్రి థార్ ఎడారిగా మారుస్తున్నారని కాంగ్రెస్ నేతలు తీవ్ర స్వరంతో ధ్వజమెత్తారు. 5 కోట్ల మంది ఆంధ్రుల భవిష్యత్‌ను అంధకారంలోకి నెడుతున్న చంద్రబాబు తక్షణం తన పదవికి రాజీనామా చేయాలని డిమాండ్ చేశారు. చంద్రబాబు, ప్రధాని మోదీలను తరిమికొట్టి ఆంధ్రప్రదేశ్‌ను రక్షించుకోవాల్సిన సమయం ఆసన్నమైందని పిలుపునిచ్చారు.

గుంటూరు, మే 23: రాజధాని అమరావతికి స్వచ్ఛందంగా భూములిచ్చిన రైతులు దగాపడుతున్నారు. ఈ ఏడాది ఇప్పటివరకు ప్రభుత్వం కౌలు చెల్లించక పోవటంతో అటు పంటలకు నోచుకోక, ఇటు నష్టపరిహారం అందక విలవిల్లాడుతున్నారు. భూసమీకరణలో భాగంగా ప్రభుత్వం జరీబు రైతులకు ఎకరానికి రూ. 50వేలు, మెట్టపొలం ఎకరానికి రూ. 25వేలు ఏటా 10శాతం పెంపుదలతో పదేళ్లపాటు చెల్లించేలా ఒప్పందం కుదుర్చుకుంది.