కాకినాడ, మే 22: గవర్నమెంట్ రేటు ఆధారిత పన్ను మదింపు విధానాన్ని తూర్పు గోదావరి జిల్లాలోని గ్రామ పంచాయతీల్లో త్వరలో అమలుచేయడానికి ప్రభుత్వ యంత్రాంగం చర్యలు చేపట్టింది. పంచాయతీల ఆర్థిక పరిపుష్టికి ఉపకరించే పన్నుల సేకరణ ప్రక్రియను సమర్ధవంతంగా అమలుచేయడానికి గవర్నమెంట్ రేటు పన్ను మదింపు విధానాన్ని ప్రవేశపెట్టనున్నారు. రాష్ట్రంలో ఈ విధానం పశ్చిమ గోదావరి జిల్లాలో ప్రస్తుతం విజయవంతంగా అమలుజరుగుతోంది.

కర్నూలు, మే 22: జలాల వినియోగంలో మూడు రాష్ట్రాలు చర్చల ద్వారా సర్దుబాటు దోరణితో ముందుకుపోతే మంచిదని, లేనిపక్షంలో ఊహించని ప్రమాదాలను ఎదుర్కోవాల్సి వస్తుందని సాగునీటి రంగ నిపుణులు హెచ్చరిస్తున్నారు.

కడియం, మే 22: ‘పుస్తెలమ్మైనా పులస తినాల్సిందే’ అనే సామెత ఊరికే వచ్చినట్టు లేదు. ఎందుకంటే మూడు పులస చేపలు ఏకంగా 25వేలకు అమ్ముడు బోయాయ. వరదల సమయంలో మాత్రమే లభించే ఈ పులసలు ఆదివారం తూర్పుగోదావరి జిల్లా ధవళేశ్వరం ఆనకట్ట వద్ద మత్స్యకారులకు చిక్కాయి. రెనో తుపాను ప్రభావంతో ఇటీవల కురిసిన వర్షాలకు ఆనకట్ట దిగువన ఉన్న నీటి నుండి కొన్ని చేపలు లభించినట్టు మత్స్యకారులు చెబుతున్నారు.

కోల్‌కత:పశ్చిమబెంగాల్ ముఖ్యమంత్రిగా రెండోసారి బాధ్యతలు స్వీకరించనున్న తృణమూల్ కాంగ్రెస్ అధినేత్రి మమత బెనర్జీ ప్రమాణ స్వీకారానికి రావాల్సిందిగా ఆ పార్టీ ప్రధాని మోదీని ఆహ్వానించింది. యుపి ముఖ్యమంత్రి అఖిలేష్‌యాదవ్, దిల్లీ ముఖ్యమంత్రి అరవింద్ కేజ్రీవాల్, బీహార్ మాజీ ముఖ్యమంత్రి లాలూప్రసాద్ యాదవ్ సహా పలువురు ప్రముఖులను ఆమె ఆహ్వానించారు. ఈనెల 27న మమత బాధ్యతలు స్వీకరించనున్నారు.