చిలకలూరిపేట, మే 21: ముఖ్యమంత్రి చంద్రబాబు రాష్ట్రంలో అధికారంలోకి వచ్చిన రెండేళ్లైనా రుణాలు మాఫీ చేయక పోవడంతో తమ జీవితాలు దుర్భరంగా మారుతున్నాయంటూ కౌలురైతులు గుంటూరు జిల్లా చిలకలూరిపేటలోని రాష్ట్ర వ్యవసాయ శాఖ మంత్రి ప్రత్తిపాటి పుల్లారావు నివాసాన్ని శనివారం ముట్టడించారు.

ఏలూరు, మే 21 : హైదరాబాద్ నుంచి విజయవాడకు ఉద్యోగులు తరలి రావడంలో అనేక సమస్యలు వున్నప్పటికీ రాష్ట్భ్రావృద్ధి కోసం తరలి వస్తున్నామని ఎపి ఎన్జీవో సంఘ రాష్ట్ర అధ్యక్షులు పి అశోక్‌బాబు అన్నారు.

చింతూరు, మే 21: తూర్పుగోదావరి జిల్లా చింతూరు మండలం మన్యంలో మావోయిస్టులు పోలీసు బలగాలే లక్ష్యంగా మందుపాతరలను అమర్చుతూ కలకలం సృష్టిస్తున్నారు. గత 13వ తేదీన ఏడుగుర్రాలపల్లి గ్రామ సమీపంలోని రేగులపాడు గుంపులో మావోయిస్టులు మందుపాతరలు అమర్చారు. మళ్లీ శనివారం ఏడుగుర్రాలపల్లి సంత సమీపంలోని మామిడిచెట్టు కింద మావోయిస్టులు అమర్చిన రెండు మందుపాతరలను పోలీసులు గుర్తించారు.

ఆదోని, మే 21: కర్నాటక, ఆంధ్ర, తెలంగాణ రాష్ట్రాలకు సాగు, తాగునీరు అందించే తుంగభద్ర డ్యాంకు పూడిక ముప్పు పొంచి ఉంది. డ్యాంలో రోజురోజుకూ పూడిక పేరుకుపోవడంతో నీటి మట్టం సామర్థ్యం తగ్గిపోతోంది. అంతేకాకుండా పూడిక పెరగడంతో రాష్ట్రాల వాటా తగ్గిపోయి మూడు రాష్ట్రాలకు నీటి సమస్య ఉత్పన్నమయ్యే ప్రమాదం ఉంది. డ్యాం పూర్తి స్థాయిలో నిండినప్పటికీ ఆ నీటిని వినియోగించుకోలేని పరిస్థితి ఉంది.