గుంటూరు: గుంటూరు జిల్లాకు చెందిన సీనియర్ కాంగ్రెస్ నాయకుడు, మాజీ మంత్రి గాదె వెంకటరెడ్డి తెలుగుదేశం పార్టీలో చేరేందుకు రంగం సిద్ధమైంది. టిడిపిలో చేరేందుకు నిర్ణయం తీసుకున్నట్లు గురువారం ఇక్కడ స్వయంగా గాదె ప్రకటించారు. రాష్ట్రాన్ని అభివృద్ధి చేయాలన్న దీక్షతో ముందుకు వెళుతున్న చంద్రబాబు నాయకత్వంలో తాను పనిచేస్తానని ఆయన స్పష్టం చేశారు.

తిరుపతి: ఇక్కడి శివారు ప్రాంతంలోని ఓ భవనంలో పోలీసులు గురువారం ఉదయం ఆకస్మికంగా దాడులు చేసి 17 మంది కూలీలను అరెస్టు చేసి ఎర్రచందనం దుంగలను స్వాధీనం చేసుకున్నారు.

విజయవాడ: అధికార తెలుగుదేశంలోకి విపక్ష ఎమ్మెల్యేల వలసల జోరు కొనసాగుతోంది. వైకాపాకు చెందిన విశాఖ జిల్లా అరకు ఎమ్మెల్యే కిడారి సర్వేశ్వర రావు, కర్నూలు జిల్లా శ్రీశైలం ఎమ్మెల్యే బుడ్డా రాజశేఖరరెడ్డి గురువారం ఉదయం ఇక్కడ సిఎం క్యాంప్ ఆఫీసులో ముఖ్యమంత్రి చంద్రబాబును కలిసి టిడిపిలో చేరారు. ఉదయం 9-05 గంటలకు మంచి ముహూర్తంగా భావించి బుడ్డా టిడిపి అధినేతను కలిసి కండువా వేయించుకున్నారు.

విజయవాడ, ఏప్రిల్ 27: ‘జైలుకు వెళ్లి వచ్చిన వాళ్లు నాపై ఆరోపణలు చేస్తున్నారు. ప్రజల కోసం వారి అవమానాలన్నీ భరిస్తున్నాన’ని ముఖ్యమంత్రి చంద్రబాబు నాయుడు అన్నారు. ప్రకాశం జిల్లా అద్దంకి వైకాపా ఎమ్మెల్యే గొట్టిపాటి రవికుమార్ సిఎం నివాసం బుధవారం తెలుగుదేశం పార్టీలో చేరారు.