కాకినాడ, మార్చి 28: ఇంతవరకు పట్టిసం ఎత్తిపోతల పథకాన్ని తీవ్రంగా వ్యతిరేకించిన జగ్గంపేట ఎమ్మెల్యే జ్యోతుల నెహ్రూ నేడు అదే పథకానికి జైకొట్టాల్సిన పరిస్థితి ఏర్పడింది. ఇదంతా రాజకీయ మహిమగా గోదావరి జిల్లాలకు చెందిన ప్రజలు చెప్పుకుంటున్నారు. పట్టిసం నిర్మాణం వలన గోదావరి జిల్లాల రైతులు, ప్రజలకు తీవ్ర విఘాతం కలిగే ప్రమాదం ఉందని జ్యోతుల నెహ్రూ గతేడాది ఉద్యమాన్ని ప్రారంభించారు.

హైదరాబాద్, మార్చి 28: పదవులకు ఆశపడి తాను వైకాపాను వీడడం లేదని, ఆ పార్టీ విధానాలపై తనకు అసంతృప్తిగా ఉందని, నియోజకవర్గం కార్యకర్తలతో మాట్లాడి వారి ఆకాంక్ష మేరకు తాను పార్టీ మారనున్నట్లు వైకాపా ఎమ్మెల్యే జ్యోతుల నెహ్రూ తెలిపారు. సోమవారం ఆయన ఇక్కడ తన ఇంట్లో విలేఖర్లతో ముచ్చటిస్తూ పిఏసి చైర్మన్ పదవి రాలేదనే అసంతృప్తితో తాను పార్టీ మారుతున్నట్లు వచ్చిన సమాచారంలో నిజంలేదన్నారు.

విజయవాడ: అనుకున్న సమయానికే పోలవరం సాగునీటి ప్రాజెక్టును పూర్తి చేస్తామని ఎపి సిఎం చంద్రబాబు సోమవారం తెలిపారు. ఆయన పోలవరం, పట్టిసీమ ప్రాజెక్టు పనుల తీరుతెన్నులను హెలికాప్టర్‌లో పర్యటించి పరిశీలించారు. అనంతరం ఆయన అధికారులతో సమావేశమై ప్రాజెక్టు పనుల తీరును సమీక్షించారు. నదుల అనుసంధానానికి తమ ప్రభుత్వం ప్రాధాన్యత ఇస్తోందన్నారు.

హైదరాబాద్: జాతీయ స్థాయిలో ఉత్తమ చిత్రంగా ‘బాహుబలి’ ఎంపికైనందుకు తెలుగు సినీ పరిశ్రమకు చెందిన పలువురు ప్రముఖులు అభినందనలు తెలిపారు. తెలుగువాడి సత్తా రాజవౌళి నిరూపించారని దర్శకుడు కె.రాఘవేంద్రరావు ప్రశంసించారు. హీరోలు వెంకటేష్, జూనియర్ ఎన్టీఆర్, నారా రోహిత్, శర్వానంద్, హిందీ నిర్మాత కరణ్ జోహార్ తదితరులు హర్షం ప్రకటించారు.