హైదరాబాద్: హైకోర్టు ఉత్తర్వులను సైతం పట్టించుకోకుండా తమ పార్టీ సభ్యురాలు రోజాను అసెంబ్లీలోకి స్పీకర్ అనుమతించక పోవడం అన్యాయమని వైకాపాకు చెందిన మహిళా ఎమ్మెల్యేలు శనివారం అసెంబ్లీ ఆవరణలోని గాంధీ విగ్రహం వద్ద దీక్ష చేపట్టారు. సాయంత్రం వరకూ దీక్ష కొనసాగిస్తామని ఎమ్మెల్యేలు గిడ్డి రాజేశ్వరి, కళావతి తదితరులు ప్రకటించారు.

హైదరాబాద్: ఎపి అసెంబ్లీ బడ్జెట్ సమావేశాలు శనివారం ఉదయం యథావిధిగా ప్రారంభమయ్యాయి. సస్పెన్షన్‌కు గురైన తమ పార్టీ ఎమ్మెల్యే రోజాను సభలోకి అనుమతించాలని కోరుతూ వైకాపా ఎమ్మెల్యేలు నలుపు దుస్తులు ధరించి నిరసన వ్యక్తం చేశారు. వీరి నిరసన ధ్వనుల మధ్య స్పీకర్ కోడెల శివప్రసాదరావు ప్రశ్నోత్తరాల కార్యక్రమాన్ని చేపట్టారు.

విశాఖపట్నం: మావోయిస్టు ఎసిఎంతో (ఏరియా కమిటీ మెంబరు)పాటు దళ సభ్యుడు తన ఎదుట లొంగిపోయారని జిల్లా ఎస్పీ కోయ ప్రవీణ్ చెప్పారు. శుక్రవారం జిల్లా ఎస్పీ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ మావో ఏరియా కమిటీ సభ్యురాలిగా (ఎసిఎం)గా ఉన్న కొయ్యూరు మండలం బూదరాళ్ల పంచాయతీకి చెందిన గమ్మలి బందో అలియాస్ కమల అలియాస్ రస్సొ అనారోగ్య కారణాల వల్ల లొంగిపోయినట్టు తెలిపారు.

ఆంధ్రభూమి బ్యూరో