S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

08/17/2019 - 17:08

హైదరాబాద్: వరద ప్రాంతాల్లో పర్యటించి బాధితులను ఆదుకోవాలని మాజీ ముఖ్యమంత్రి చంద్రబాబు నాయుడు పిలుపునిచ్చారు. ఆయన పార్టీ కార్యకర్తలు, నేతలతో టెలీ కాన్ఫరెన్సు నిర్వహించారు. రాజకీయాలను పక్కన పెట్టి బాధితులను వీలైనంత మేరకు ఆదుకోవాలని, లంక గ్రామాల ప్రజలను ఆదుకోవాలని ఆదేశించారు.

08/17/2019 - 17:07

విజయవాడ: వరద ముంపు ప్రాంతాల్లో ఏపీ మంత్రులు పర్యటించారు. మంత్రులు పేర్ని నాని, అనిల్ కుమార్ యాదవ్, కొడాలి నాని, వెల్లంపల్లి పర్యటించి బాధితులను పరామర్శించారు. చల్లపల్లి, మోపిదేవి ప్రాంతాల్లో మంత్రులు పర్యటించారు. పునరావాస కేంద్రాలు తనిఖీ చేసి బాధితులకు అందుతున్న సహాయక చర్యలను అడిడి తెలుసుకున్నారు.

08/17/2019 - 13:06

విజయవాడ: కృష్ణానదికి వరద ప్రవాహం కొనసాగుతోంది. దీంతో కరకట్ట వెంటఉన్న భవనాలకు స్థానిక తహసీల్దార్‌ నోటీసులు జారీ చేశారు. వరద ఉద్ధృతి దృష్ట్యా ఇళ్లలో ఉండొద్దని సూచించారు. ఈ నేపథ్యంలో కరకట్ట ప్రాంతంలోనే అద్దెకు ఉంటున్న చంద్రబాబు నివాసానికి కూడా అధికారులు నోటీసులు అంటించారు. తాడేపల్లి తహసీల్దార్‌ శ్రీనివాస్‌ పేరుతో చంద్రబాబు నివాసానికి నోటీసులు జారీ అయ్యాయి.

08/17/2019 - 13:05

విజయవాడ: అంధ్రప్రదేశ్‌లో పరిశ్రమ ఏర్పాటుకు అపార అవకాశాలు ఉన్నాయని ముఖ్యమంత్రి జగన్మోహన్ రెడ్డి అన్నారు. ఆయన అమెరికాలో పర్యటిస్తున్న విషయం విదితమే. వాషింగ్టన్‌ డీసీలో యూఎస్‌ ఛాంబర్‌ ఆఫ్‌ కామర్స్‌ సమావేశానికి హాజరయ్యారు. అక్కడ భారత రాయబారి హర్షవర్థన్‌ ష్రింగ్లాతో సమావేశమై ముఖాముఖి చర్చలు జరిపారు. అనంతరం యూఎస్‌ ఇండియా బిజినెస్‌ కౌన్సిల్‌ రౌండ్‌టేబుల్‌ సమావేశంలో ప్రసంగించారు.

08/17/2019 - 12:59

అనంతపురం: ఇద్దరు మైనర్లు ప్రేమించుకున్నారని గ్రామ పెద్దలు మైనర్ బాలిక పట్ల అత్యంత పాశవికంగా వ్యవహరించారు. కేపీదొడ్డి గ్రామానికి చెందిన దళితులైన వన్నూరమ్మా, బాబు గత కొంతకాలంగా ప్రేమించుకుంటున్నారు. వీరు మైనర్లు. వీరి ఇళ్లు వదలి పారిపోయారు. గ్రామస్తులు పట్టుకుని వచ్చారు. ఎస్సీ కాలనీలో పంచాయతీ పెట్టారు. ఆ గ్రామ పెద్ద లింగప్ప మైనర్ బాలికను చెంపలపై కొట్టాడు. జుట్టుకుని ఈడ్చి తన్నాడు.

08/17/2019 - 12:56

విజయవాడ: కృష్ణానది వరద నీటికి కృష్ణా, గుంటూరు జిల్లాలు నీట మునిగాయి. వేలాది మంది నిరాశ్రయులను సురక్షిత ప్రాంతాలకు తరలిస్తున్నారు. ప్రకాశం బ్యారేజీకి దిగువకు వరద నీటి వదిలివేస్తున్నారు. విజయవాడలోని కృష్ణలంకలోని పలు కాలనీలు, గీతానగర్, రామలింగేశ్వర్ నగర్, బాలాజీ నగర్ తదితర ప్రాంతాలు నీట మునిగాయి. కలెక్టర్ ఇంతియాజ్, మున్సిపల్ కమిషనర్ నగరంలో వరద ప్రభావిత ప్రాంతాల్లో సహాయక చర్యలు సమీక్షిస్తున్నారు.

08/17/2019 - 00:24

అమరావతి, ఆగస్టు 16: కృష్ణానదీ పరివాహక లంక గ్రామాలను వరద నీరు చుట్టుముట్టింది. శ్రీశైలం, నాగార్జునసాగర్, పులిచింతల జలాశయాల నుంచి లక్షలాది క్యూసెక్కుల నీరు దిగువకు విడుదల కావటంతో కృష్ణా, గుంటూరు జిల్లాల్లోని తీర గ్రామాలు భయం గుప్పెట్లో జీవనం సాగిస్తున్నాయి.

08/17/2019 - 00:23

విజయవాడ, ఆగస్టు 16: ప్రభుత్వాసుపత్రి బ్లడ్ బ్యాంకులో అన్ని గ్రూపుల రక్త నిల్వలు అందుబాటులో ఉండేలా చూడాలని రాష్ట్ర గవర్నర్ బిశ్వభూషణ్ హరిచందన్ సూచించారు. శుక్రవారం విజయవాడ గుణదలలోని కొత్త ప్రభుత్వాసుపత్రి సందర్శనకు వచ్చిన రాష్ట్ర గవర్నర్ బిశ్వభూషణ్ హరిచందన్‌కు వైద్యశాల సూపరింటెండెంట్ డాక్టర్ పి నాంచారయ్య, వైద్యాధికారులు, పుష్పగుచ్చం ఇచ్చి స్వాగతం పలికారు.

08/17/2019 - 00:23

అమరావతి, ఆగస్టు 16: ప్రభుత్వం ఉద్దేశపూర్వకంగానే తమ పార్టీ అధినేత చంద్రబాబునాయుడు నివాసంపై డ్రోన్లు వదిలిందని ఏపీ టీడీపీ అధ్యక్షుడు కిమిడి కళా వెంకట్రావు ఆరోపించారు. వరద పరిస్థితిని అంచనా వేసేందుకు డ్రోన్లు వదిలామని చెప్తున్న ప్రభుత్వం ఇతర ప్రాంతాలను ఎందుకు చిత్రీకరించలేదని ప్రశ్నించారు.

08/17/2019 - 00:22

విజయవాడ, ఆగస్టు 16: వరద సహాయక చర్యల్లో రాష్ట్ర ప్రభుత్వ తీరుపై టీడీపీ జాతీయ అధ్యక్షుడు చంద్రబాబునాయుడు మండిపడ్డారు. ఒకవైపు వరద నీటితో ప్రజలు ఇబ్బందులు పడుతుంటే, తన ఇల్లు ఎప్పుడు మునుగుతుందా అని కళ్లల్లో వత్తులు వేసుకుని రాష్ట్ర మంత్రులు చూస్తున్నారంటూ ట్విట్టర్‌లో మండిపడ్డారు. తన ఇంటిమీద పెట్టిన శ్రద్ధ, వరదలపై పెట్టి ఉంటే ప్రజలకు ఇబ్బందులు తప్పేవన్నారు.

Pages