విజయవాడ (క్రైం), డిసెంబర్ 26: పోలీసుశాఖలోని వివిధ పోస్టులకు ఈనెల 16వ తేదీన రాష్ట్ర వ్యాప్తంగా నిర్వహించిన రాతపరీక్షలో 51,926 మంది అర్హత సాధించారు. అర్హత సాధించిన అభ్యర్ధులకు వచ్చే ఏడాది జనవరి 18వ తేదీన శారీరక దారుఢ్య పరీక్షలు నిర్వహిస్తారు. ఈ పరీక్షలు రాష్ట్రంలోని విశాఖపట్నం, ఏలూరు, గుంటూరు, కర్నూలులో ఏర్పాటు చేసినట్లు స్టేట్ లెవల్ పోలీసు రిక్రూట్‌మెంట్ బోర్డు తెలిపింది.

విశాఖపట్నం, డిసెంబర్ 26: రక్షణ రంగంలో స్వయం సమృద్ధి సాధించడం లక్ష్యంగా భారతదేశం 45కి పైగా యుద్ధ నౌకలు, జలాంతర్గాములను పూర్తి స్వదేశీ పరిజ్ఞానంతో నిర్మిస్తోందని నేషనల్ మారిటైం ఫౌండేషన్ చైర్మన్, నౌకాదళ మాజీ ప్రధానాధికారి ఆర్కే ధవాన్ తెలిపారు.

విజయవాడ, డిసెంబర్ 25: రాష్ట్ర ముఖ్యమంత్రి చంద్రబాబు విడుదల చేసిన సంక్షేమ కార్యక్రమాలు, సాధించిన ప్రగతి శ్వేతపత్రం పై బహిరంగ చర్చకు సిద్ధమా అని సీపీఐ రాష్ట్ర కార్యదర్శి కే రామకృష్ణ మంగళవారం సవాల్ విసిరారు. రాష్ట్రంలో ప్రజా సంక్షేమం ఎంతో మెరుగుపరిచామని, ఆర్థిక అసమానతలు తొలగిపోయాయంటూ ముఖ్యమంత్రి విడుదల చేసిన శ్వేతపత్రం వాస్తవ దూరంగా ఉందన్నారు.

విజయవాడ, డిసెంబర్ 25: సాంకేతికత వినియోగంలో దూసుకుపోతున్న ఆంధ్రప్రదేశ్ రాష్ట్రం ఇప్పుడు తయారీ రంగంలోనూ నిపుణులైన ఇంజనీర్లను తయారు చేయాలన్న లక్ష్యంతో ముందుకు సాగుతోంది. అందులో భాగంగానే జర్మనీకి చెందిన రోబోల తయారీలో అపార అనుభవం ఉన్న యూరోపియన్ సెంటర్ ఫర్ మెకట్రానిక్స్ సంస్థతో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ ఒప్పందం కుదుర్చుకుంది.